Ամեն ինչ իր տեղն է ընկնելու, սպասե՛ք․ գեներալ Արշակ Կարապետյան
![Ամեն ինչ իր տեղն է ընկնելու, սպասե՛ք․ գեներալ Արշակ Կարապետյան](/timthumb.php?src=/disc/16-06-24/88d4edd9bf352f84498efbea55a27002.jpg&w=708)
«Ցավով պետք է ասեմ, որ Ղարաբաղի կորստից հետո խնդիրները սրվել են հենց Հայաստանի շուրջ: Երբ կար Ղարաբաղը, բոլոր հարցերը վերաբերում էին հենց Ղարաբաղին, այսինքն Ղարաբաղը հանդիսացել է ՀՀ համար բուֆեր, որը կենտրոնացրել էր իր շուրջ հայկական պետականության բոլոր խնդիրները` բոլորը զբաղվում էին Ղարաբաղով: Այսօր ՀՀ իշխանության ձեռքով Ղարաբաղը հանձնվել է»,-այս մասին ասել է «Համահայկական ճակատ» շարժման առաջնորդ, գեներալ-մայոր, ՊՆ նախկին նախարար Արշակ Կարապետյանը ռուս ռազմական փորձագետ Անատոլի Մատվիյչուկի հետ զրույցում:
Շարունակելով իր խոսքը, Կարապետյանը նկատել է. «Ղարաբաղը զուտ տարածք չէ, Ղարաբաղը հայկական երկիր է, և Հայաստանի ներկայաիս իշխանությունը երկիր է հանձնել: Ղարաբաղում ապրում էր հայ ժողովուրդ, որն ուներ իր առանձնահատկությունները, սովորույթները, ավանդույթները: Ընդ որում, արցախահայությունը մեծ դերակատարություն է ունեցել ողջ հայ ժողովրդի անվտանգության հարցում: Բայց ի՞նչ արեցին, վերցրին ու հանձնեցին երկիրը` հեռացնելով այդտեղից բնակչությանը»:
Գեներալ Կարապետյանն իր համոզմունքն է հատնել առ այն, որ. «Ղարաբաղի խնդիրը կարող էր լուծվել դեռ 20, 10 տարի առաջ: Ցավոք, և ի զարմանս ինձ, դա տեղի չունեցավ: Ընդ որում, Ղարաբաղը դարձել էր դիվիդենտ որոշակի խմբի ձեռքին»:
«2018-ին իշխանության եկավ նոր մարդ, նոր իշխանություն, որը որոշեց հանձնել Ղարաբաղը: Նրանք իրենց իշխանության գալու առաջին իսկ օրից դրանով են զբաղվել»,- ասել է Կարապետյանը:
Արձագանքելով հարցին, թե ի՞նչ ապագա է սպասվում Արցախին, գեներալ-մայորն ասել է. «Ինչ վերաբերում է Ղարաբաղի ապագային, ապա մենք բոլորս գիտենք, որ պատմությունը զարգանում է պարույրաձև. ամեն ինչ իր տեղն է ընկնելու»: