Ռուսաստանն ու Եգիպտոսը համատեղ զորավարժություններ են անցկացրել Միջերկրական ծովում
![Ռուսաստանն ու Եգիպտոսը համատեղ զորավարժություններ են անցկացրել Միջերկրական ծովում](/timthumb.php?src=/disc/15-06-24/7306905ab55f40a407ceeda356956a67.jpg&w=708)
Ռուսաստանի Խաղաղօվկիանոսյան նավատորմի և Եգիպտոսի ռազմածովային ուժերի նավերը համատեղ զորավարժություններ են անցկացրել Միջերկրական ծովում։ Այս մասին ասված է ՌԴ ՊՆ-ի տարածած հաղորդագրության մեջ։
Ինչպես նշվում է՝ Ռուսաստանից զորավարժություններին ներգրավված են Խաղաղօվկիանոսյան նավատորմի ռազմանավերը՝ «Վարյագ» հրթիռային հածանավը և «Մարշալ Շապոշնիկով» ֆրեգատը, իսկ Եգիպտոսը զորավարժությունների է ուղարկել «Ալ-Քադիր» ֆրեգատը:
Ռուսական կողմն իր ռազմանավերի մուտքը Ալեքսանդրիա նավահանգիստ համարել է հերթական գործնական քայլը՝ ռուս-եգիպտական ռազմածովային համագործակցության ամրապնդման հարցում: