Սա կրակոց էր Ժնևյան պայմանավորվածությունների ուղղությամբ. ՀՀԿ խոսնակ
ՀՀԿ մամլո խոսնակ Էդուարդ Շարմազանովը երեկ ՀՀԿ ՀՄ նիստից հետո լագրողներին հայտնեց, որ քննարկել են ներկուսակցական եւ ներքաղաքական հարցեր: ՀՀԿ խոսնակն անդրադարձավ նաև հակառակորդի կրակոցից զինծառայողի մահվանը. «Այս կրակոցով Ադրբեջանը ցույց տվեց, թե որն է իր խոսքի արժեքը, որ նա չի հարգում իր կողմից ընդունված միջազգային պարտավորությունները, որ ընդունել էր Ժնևում: Ադրբեջանը ցույց է տալիս, որ սա կրակոց է ոչ թե հայկական կողմի վրա, այլ սա կրակոց է Ժնևյան պայմանավորվածությունների նկատմամբ: Գոնե հիմա պիտի արձագանք լինի միջազգային հանրությունից՝ ուղիղ ու հստակ»: Ադրբեջանի ԱԳՆ ղեկավար Էլմար Մամեդյարովի մեղադրանքների մասին , թե նախագահ Սարգսյանը հանդիպման մանրամասները ներկայացրել է Ժնևի հայ համայնքի հետ հանդիպմանը, ԱԺ փոխնախագահը դ որակեց որպես իրականության հետ կապ չունեցող, անհեթեթ հայտարարություններ.«Նախագահը Ժնևի հայ հանրության հետ հանդիպման ժամանակ ասել է այն, ինչ մենք միշտ ասում ենք, նախագահի հայտարարությունը նորություն չէ, և դա ժնևյան պայմանավորվածությունների մանրամասների հետ ոչ մի աղերս չունի: Ադրբեջանական կողմը ոչ մի ասելիք չի ունեցել, նրանք ընկալման խնդիր ունեն, հակառակ դեպքում նման հայտարարություններ չէին անի»:
Հետևեք մեզ Viber-ում
