Հոգեկան տառապանքի մեջ ես եմ, որ մինչև հիմա չեմ կարողանում հավատալ, որ այդ գործը կատարողը ինձ շատ սիրելի մարդ է. Սրբազան
Հոգեկան տառապանքի մեջ ես եմ, որ մինչև հիմա չեմ կարողանում հավատալ, որ այդ գործը կատարողը ինձ շատ սիրելի մարդ է։ Այս մասին ասաց Բագրատ Սրբազանն՝ անդրադառնալով «Փաստինֆո»-ի հարցին, թե փոխանակ գաղտնալսելու դրվագով քրեական գործ հարուցեին, գործ են հարուցել կնոջը հոգեկան տառապանք պատճառելու դրվագով։
«Դա է հոգեկան տառապանք։ Ավելին, դեռ շարունակում է կատարել, դա ամենամեծ հոգեկան տառապանք է»։
Հարցին, թե ինչու իրավապահ համակարգը գործ չի հարուցել իր՝ իբրև գործակալ լինելու գործով՝ նա պատասխանեց. «Իսկ իրավապահ համակարգ կա՞։ Նրանք միայն մարդկանց ծեծել ջարդելու համար են։ Նրանք ամիսներով ինձ անձնապես էլ գործակալ, էլ կառաշակեր, էլ կաշառատու, ինչ ասես որ չեն ասել, սրանք լուրջ հանցագործություններ են, ոչ իմ դեմ է հարուցվել, ոչ էլ ասողների»։
Նա նշեց, որ դա քաղաքական համակարգի խնդիր է։ «Ում պահանջներն են կատարում, ում քմահաճույքները։ Երեկ տեսաք պատգամավորին ինչ խուլիգանությամբ ծեծել-ջարդեցին, ոստիկանապետն էլ ցուցարարին լակոտ է անվանում, որևէ մեկը դրա համար պատասխանատվություն կրո՞ւմ է, պաշտպանվա՞ծ է քաղաքացին, ոչ, քմահաճույքներ են պաշտպանված»։
Աղբյուր` Փաստինֆո
Հետևեք մեզ Viber-ում
