Փաշինյանի նկատմամբ իրավական ընթացակարգ կիրառելու հիմքեր կան. 168.am

ՀՀ ազգային անվտանգության ծառայությունը մայիսի 24-ին հաղորդագրություն էր տարածել, ըստ որի՝ մայիսի 24-ից Հայաստանի Հանրապետության Ազգային անվտանգության ծառայության սահմանապահ զորքերը պաշտոնապես ստանձնում են Հայաստանի Հանրապետության պետական սահմանի Տավուշի մարզի Բերքաբեր բնակավայրի 1,9 կմ, Ոսկեպար և Բաղանիս բնակավայրերի 4,9 կմ հատվածների պահպանությունը։

Նշվում էր նաև, որ պետական սահմանի Կիրանց բնակավայրի 5,8 կմ հատվածի պահպանությունը, մինչև 2024 թվականի հուլիսի 24-ը, կիրականացվի անցումային սխեմայով, և, որ միևնույն տրամաբանությամբ, Ադրբեջանի Հանրապետության կողմից սահմանային հանդիպակաց հատվածների պահպանությունը սույն թվականի մայիսի 24-ից իրականացվելու է Ադրբեջանի Հանրապետության պետական սահմանապահ ծառայության ստորաբաժանումների կողմից։

Ադրբեջանական կողմն իր հերթին՝ այս ամենը մեկնաբանել էր, որ կարողացել են առանց կրակոցի վերադարձնել «Ղազախի գյուղերը» և ադրբեջանական դրոշը բարձրացնել այնտեղ: Ավելին, ադրբեջանական լրատվամիջոցները գրել էին նաև զորքերի հետքաշման մասին:

Նշվածի ֆոնին մայիսի 24-ին Նիկոլ Փաշինյանի առաջարկությամբ և ՀՀ նախագահի հրամանագրով գեներալ-մայորի զինվորական կոչումներ են շնորհվել հետևյալ զինվորականներին.-ՀՀ զինված ուժերի գլխավոր շտաբի պետի տեղակալ, գնդապետ Արթուր Երոյանին,

-ՀՀ զինված ուժերի գլխավոր շտաբի հետախուզության գլխավոր վարչության պետ-զինված ուժերի գլխավոր շտաբի պետի տեղակալ, գնդապետ Սամվել Մովսիսյանին,

-ՀՀ պաշտպանության նախարարության կադրային քաղաքականության գլխավոր վարչության պետ, գնդապետ Հրաչ Ստեփանյանին,

-ՀՀ զինված ուժերի գլխավոր շտաբի օպերատիվ գլխավոր վարչության պետի առաջին տեղակալ, գնդապետ Ալբերտ Բաղդադյանին,


-3-րդ բանակային կորպուսի հրամանատար, գնդապետ Ալեքսանդր Ցականյանին։

Սոցիալական ցանցերում, հանրության տարբեր շերտերի կողմից սա կոշտ ընդունվեց՝ «գեներալական ուսադիրներ՝ Տավուշից տարածքների և դիրքերի հանձնման դիմաց»: Գուցե որոշ դեպքերում որակումներում սահման է հատվել, բայց հանրության էմոցիոնալ և նման կոշտ արձագանքը նաև արդարացված է:

Մյուս կողմից, սա միակ դեպքը չէ, նման արձագանք եղավ, երբ 2023 թվականին ՀՀ Սահմանադրության օրվա առիթով՝ հիմք ընդունելով Նիկոլ Փաշինյանի առաջարկությունը, ՀՀ նախագահի հրամանագրերով Զինված ուժերից 5 հոգու բարձրագույն զինվորական կոչումներ էին շնորհվել, մասնավորապես, ՀՀ ԶՈՒ գլխավոր շտաբի պետ, պաշտպանության նախարարի առաջին տեղակալ Էդվարդ Ասրյանին՝ գեներալ-լեյտենանտի, իսկ Հատուկ բանակային կորպուսի հրամանատար Արմեն Գյոզալյանին, ՀՀ ԶՈՒ հրթիռային զորքերի և հրետանու պետ-վարչության պետ Գոռ Նիկոյանին, ՀՀ ԶՈՒ ինժեներական զորքերի պետ-վարչության պետ Կարեն Գրիգորյանին և ՀՀ ԶՈՒ 2-րդ բանակային կորպուսի հրամանատար, ՀՀ Ազգային հերոս Գարեգին Պողոսյանին՝ գեներալ-մայորին: Նույնն է նաև կադրային նշանակումների դեպքում:

44-օրյա պատերազմից հետո և հետպատերազմյան զարգացումների, տարածքային կորուստների, բանակի հանդեպ իշխանության վերաբերմունքի ֆոնին նման արձագանքը, իհարկե, հասկանալի է, և, ինչպես նշեցինք, ունի օբյեկտիվ պատճառներ:

Այլ հարց է, որ առհասարակ, բարձրագույն զինվորական կոչումներ ստացողների մեջ կարող են լինել արժանի, գրագետ և կենսագրություն ունեցող սպաներ, որոնք երկրի պաշտպանության հարցում ունեցել են իրենց ներդրումը, պարզապես իրենց բախտը չի բերել, որ Նիկոլ Փաշինյանի իշխանության օրոք են դարձել գեներալ:

Այսինքն, այն, որ եղել են զինվորականներ, որոնք նախկին հաղթանակած իշխանություների օրոք են դարձել գեներալ, դա բնավ չի նշանակում, որ իրենք առավել մեծ արժանիքներ ունեին, եթե չասենք՝ հակառակը, և որոնցից կան նաև ՔՊ-ականների շարքերում:

Կամ՝ 2016 թվականի Ապրիլյան պատերազմից հետո որոշ գեներալներ հեռացվեցին համակարգից, և որոնց նկատմամբ երբեք էլ հասարակության կարծիքը միանշանակ չի եղել, մեղմ ասած: Հիմա նրանք հերոս են, որովհետև իշխանափոխությունից առաջ հեռացված են եղել բանակից, մինչդեռ բանակում ներդրում ունեցած և նախկինների օրոք օրինակելի զինվորական կենսագրություն ունեցող զինվորականներ մնացին և ճակատագրի հեգնանքով ընդունեցին 44-օրյա պատերազմը, ու հետո պարտության բեռը դրվեց նրանց ուսերին: Այլ հարց է, որ կա սահման՝ մինչև որտեղ գեներալները, զինվորականությունը կարող են հանդուրժել իշխանությունների քաղաքական օրակարգը:

Վերադառնանք երեկվա գեներալական կոչումների շնորհումներին և դրա հասարակական արձագանքին ու հավելենք, որ ՀՀ պաշտպանության նախարարությունը որոշեց անարձագանք չթողնել նորահռչակ գեներալների հասցեին մեղադրանքները:

որովհետև, եթե ես տված լինեի էդ հրամանը, էդ մարդը պրոբլեմ չուներ, կասեր՝ վարչապետը հրամայել է, կատարել եմ, ես զինվորական մարդ եմ, բայց քանի որ ենթադրում եմ՝ ինքը մի տեղից է հրաման ստացել, որտեղից հրաման ստացած լինելու փաստը խոստովանելու պարագայում ինքն ավելի լուրջ մեղադրանք կստանա, այսինքն՝ լրտեսի, հայրենիքի դավաճանի մեղադրանք, ինքն ասում է՝ մեղավոր եմ, ինձ անփութության համար դատեք, ինչքա՞ն է հասնում, 7 տարի՞ է հասնում, դատեք, որովհետև էն մյուս խոստովանության դեպքում իրեն ոչ միայն կդատեն, այլև իր ապրած առոք-փառոք կյանքը, կպարզվի՝ 0 արժեք ունի, որովհետև ինքը շարքային գործակալ է, օրինակ»,- Ազգային ժողովում հայտարարել էր նա:

Միքայել Արզումանյանի գործը դատարանում է, նրա նկատմամբ մեղադրանքներն ապացուցված չեն, բայց երկրի ղեկավարն արդեն որոշել է դատավճիռը, նրան համարելով գործակալ, հայրենիքի դավաճան: Կարո՞ղ ենք սա ևս զրպարտանքի և սպայի պատվի դեմ քայլ համարել:

Չորրորդ, 2021 թվականի մայիսի 12-13-ի ՀՀ ինքնիշխան տարածք ադրբեջանական ներթափանցում էր տեղի ունեցել, մասնավորապես, Գեղարքունիքի հատվածում: Սակայն միայն 2022 թվականի դեկտեմբերին է մեղադրանք առաջադրվել գեներալ Արայիկ Հարությունյանին, ով այդ ժամանակ 2-րդ կորպուսի հրամանատարն էր, իսկ առաջխաղացումներից ամիսներ հետո նրան այլ բարձր պաշտոն էր վստահվել՝ 2021-ի օգոստոսի 9-ին Արայիկ Հարությունյանը նշանակվել էր Հայաստանի Հանրապետության զինված ուժերի գլխավոր շտաբի հետախուզության գլխավոր վարչության պետ-Հայաստանի Հանրապետության զինված ուժերի գլխավոր շտաբի պետի տեղակալ: Եվ սա այն դեպքում, երբ 2021 թվականի՝ Ադրբեջանի կողմից մայիսյան առաջխաղացումներից օրեր անց Նիկոլ Փաշինյանն այցելել էր Կութ, 2-րդ բանակային կորպուս, և տեսագրության մեջ երևում է, որ այդ ժամանակ 2-րդ բանակային կորպուսի հրամանատար Արայիկ Հարությունյանը Փաշինյանին ցույց է տալիս ՀՀ ինքնիշխան տարածք մտած ադրբեջանցիներին, ինչ-որ քայլեր անելու առաջարկներ անում, որին Փաշինյանը բացասական պատասխան է տալիս: Եվ սա այն դեպքում, երբ Նիկոլ Փաշինյանը 2023 թվականի դեկտեմբերի 19-ին Պետրոս Ղազարյանին տված հարցազրույցում ակնարկել էր, որ 2021 թվականի մայիսյան ադրբեջանական առաջխաղացումների ժամանակ բանակը չի դիմադրել, չի կռվել: Իսկ ավելի ուշ ԱԺ-ում կասկածի տակ էր դրել այդ օկուպացված տարածքների՝ ՀՀ-ին պատկանելությունը: Սա ի՞նչ անվանել, եթե ոչ՝ բանակի վարկաբեկմանն ուղղված քաղաքականություն:

Հինգերորդ, պատերազմից հետո զինվորականներից պետական դավաճանության մեջ մեղադրվեցին, իսկ հետո արդարացվեցին: Հիմա սա անհիմն մեղադրանք չէ՞ր:

Վեցերորդ, «Հրթիռների գործով» անցնում են ռազմական նախկին ղեկավարներ, իսկ այդ հրթիռների անպիտան լինելը չի ապացուցվել, եթե չասենք, որ դրանց նորմալ լինելն է ապացուցվել: Կարո՞ղ ենք սա ռազմական նախկին ղեկավարներին և գեներալներին անհիմն մեղադրելու, զրպարտելու փորձ համարել:

Այս փաստերը ՀՀ պաշտպանության նախարարությունը հաշվի կառնի՞, կմեղադրի՞ Նիկոլ Փաշինյանին զինվորականությանն անհիմն մեղադրելու և զրպարտելու, բանակը վարկաբեկելու համար:

Ի դեպ, 2021 թվականի փետրվարին ՀՀ զինված ուժերն ինքն է այս մասին հայտարարել՝ «ՀՀ զինված ուժերը երկար ժամանակ համբերատար կերպով հանդուրժում էր գործող իշխանության կողմից զինված ուժերը վարկաբեկելուն ուղղված «գրոհները», սակայն ամեն ինչ ունի իր սահմանները»:

Եվ սա, թերևս, փաստական ողջ պատկերը չէ, այդուհանդերձ արդյո՞ք միայն այսքանը բավարար չէ եզրակացնելու, որ հանրության և զինվորականության, բանակի միջև թշնամական մթնոլորտի առաջին պատասխանատուն Նիկոլ Փաշինյանն է:

դիտվել է 604 անգամ
Լրահոս
Այսօ՛ր, 18։30-ին հանդիպում ենք Բաղրամյան-Դեմիրճյան խաչմերուկում․ Հովհաննես Իշխանյան (video) Հիմա Նիկոլը ոջի՞լ է, թե՞ ոջիլի ձու․ Էդգար Ղազարյան (video) Որտե՞ղ է Սուրեն Պետրոսյանը․ օգնականը մանրամասներ է հայտնել Հասնելու ենք Սրբազան պայքարի ավարտին՝ հաղթանակին․ Բագրատ Սրբազանի կարևոր խոսքը Եռաբլուրից (video) Ի՞նչ է իրականում կատարվել․ Կալանավորված Երվանդ Աղբալյանի փաստաբանը մանրամասներ է ներկայացնում Միասին պետք է հասնենք ճշմարտության հաղթանակին ու Հոգևոր Հայաստանի վերականգնմանը. Բագրատ սրբազան Հենց հիմա․ Բագրատ Սրբազանը Եռաբլուրում է (video) Մոսկվան և Թեհրանը կրկին նախազգուշացրեցին Փաշինյանին. Zham.am Մոսկվան, Թեհրանը և Բաքուն աշխատանքային խումբ կստեղծեն «Հյուսիս-Հարավ»-ի համար Գորիսում 24-ամյա երիտասարդի վեճը 33-ամյա մտերմուհու հետ ավարտվել է կնոջ դանակահարությամբ Ես, իհարկե կհասնեմ ինչպես իմ, այնպես էլ մյուս մեղադրյալների արդարացմանը, ում իրավապահ համակարգը ճկել է ու պարտադրել «զղջման» հիմքով քրեական հետապնդման դադարեցման սցենարին. Քերոբյան «Փաշինյանի «քաոսը». հակառուսականությունը Փաշինյանին, առաջին հերթին, պետք է երկրի ներսում». Սուրենյանց Զարմանալի՞ է, որ թիրախում Տիգրանաշենին հարակից մարզերի ՀՅԴ կառույցներն են. Տիգրան Քոչարյան Սյունիքում Փաշինյանի կուսակցական հանդիպումը թեժ է անցել․ ՔՊ շարքերից երիտասարդներ են հեռացել Գերասիմ Վարդանյանը խնդրեց իր համար չմտահոգվել և շարունակել պայքարը․փաստաբանն այցելել է «Արմավիր» ՔԿՀ Երբ Հայաստանի ղեկավարները հող են ուզեցել հանձնել, սկսվել են ՀՅԴ-ի հանդեպ բռնաճնշումները. դիտարկում Գերասն իրապես կարգին տղա է, և էս տեսակին չես կարող վախեցնել անազատությամբ. Վազգեն Սաղաթելյան Խստագույնս դատապարտելի է իշխանությունների կողմից արցախցիների նկատմամբ ուղղորդված ատելության խոսքը․ հայտարարություն Իսրայելի ԱԳ նախարարը Լուկաշենկոյին մեղադրել է հակասեմականության համար. պատճառը հրեաների մասին հայտարարությունն է Բագրատունյաց պողոտայում բախվել է երեք ավտոմեքենա․ կան տուժածներ Բողոքի ակցիաներին մասնակցելու համար մարդկանց նյութապես շահագրգռելու վարույթով կալանավորվել են Գերասիմ Վարդանյանն ու ևս մի անձ Փաշինյանը հարբեցող ծաղրածուից դարձավ ճիճու․ Էդգար Ղազարյան (video) Փաշինյանը կրկին ուժեղացնում է իր անվտանգությունը․ 168.am Շրջադարձի ռիսկ կա. Գների աճը կանգնել է․ 168.am Փաշինյանի հատուկ հանձնարարություններով դեսպանը կուսակցության անդամներին կորցնում է
Ամենաընթերցվածները
Շուտով
Հունիսի 17-ին՝ ժամը 13։00-ին, Հայելի ակումբի հյուրն է Հովհաննես Իշխանյանը Հունիսի 17-ին՝ ժամը 16։30-ին, Հայելի ակումբի հյուրն է Հայկ Նահապետյանը Հունիսի 17-ին՝ ժամը 15։30-ին, Հայելի ակումբի հյուրն է Վոլոդյա Հովհաննիսյանը Հունիսի 17-ին՝ ժամը 14։30-ին, Հայելի ակումբի հյուրն է Արամ Գասպարի Սարգսյանը Հունիսի 17-ին՝ ժամը 11։00-ին, Հայելի ակումբի հյուրն է Էդգար Ղազարյանը Հունիսի 13-ին, ժամը 14:00-ին Հայելի ակումբի հյուրն է քաղաքական գործիչ Ռուբիկ Հակոբյանը Հունիսի 13-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը Հունիսի 12-ին՝ ժամը 12։00-ին, Հայելի ակումբի հյուրն է Արմինե Ադիբեկյանը Հունիսի 12-ին՝ ժամը 11։00-ին, Հայելի ակումբի հյուրն է Լարիսա Ալավերդյանը Հունիսի 11-ին՝ ժամը 14։30-ին, Հայելի ակումբի հյուրն է Վոլոդյա Հովհաննիսյանը
Հետևեք մեզ Viber-ում https://cutt.ly/5wn8sJBS
Hayeli.am