Փաշինյանը եվրոպական և ամերիկյան դուդուկի տակ է պարում․ Բելյակով
ԵԱՏՄ ինտեգրման հեռանկարների ուսումնասիրման կենտրոնի տնօրեն Դմիտրի Բելյակովը Alpha News-ի հետ զրույցում անդրադարձել է Նիկոլ Փաշինյանի հայտարարությանը, որ ՀԱՊԿ առնվազն երկու երկիր մասնակցել է 2020-ի պատերազմի նախապատրաստությանը։
«Նիկոլ Փաշինյանը հայտարարել է, որ գիտի ՀԱՊԿ-ի առնվազն երկու երկիր, որոնք մասնակցել են իր երկրի դեմ պատերազմի նախապատրաստմանը: Փաշինյանի այս հայտարարությունները հնչում են զանգվածային ցույցերի ֆոնին, որոնք տեղի են ունենում Հայաստանում, և որտեղ հայաստանցիները դժգոհ են Փաշինյանից: Դե, իսկ Փաշինյանին, անշուշտ, հիմա պետք է ձիով քայլ անել, և նա հենց այդպիսի քայլ է անում։ Նա եվրոպական և ամերիկյան դուդուկ է նվագում՝ մեղադրելով Հավաքական անվտանգության պայմանագրի կազմակերպությանը նրանում, որ Հայաստանը կորցրել է Լեռնային Ղարաբաղը։
Հիշեցնեմ, որ Լեռնային Ղարաբաղը ճանաչված չէ հենց Հայաստանի կողմից, և իրավական տեսանկյունից Փաշինյանի հայտարարություններն առ ոչինչ են։ Նշեմ, որ ՀԱՊԿ-ի վերաբերյալ իր ելույթներում նա հայտարարում է հենց Ռուսաստանի և Բելառուսի մասին, ոչ մի կերպ Տաջիկստանի, Ղրղզստանի կամ Ղազախստանի մասին, որոնք նույնպես Հավաքական անվտանգության պայմանագրի անդամ են։ Նշեմ, որ Փաշինյանը հայտարարությունն անում է Բելառուսի նախագահ Ալեքսանդր Լուկաշենկոյի Ադրբեջան այցից և Ադրբեջանի նախագահ Իլհամ Ալիևի հետ հանդիպումից ընդամենը մի քանի օր անց: Եվ այնտեղ հենց խոսքն այն մասին էր, որ Բելառուսը պատրաստ է մասնակցել Լեռնային Ղարաբաղի վերականգնմանը»,-ասել է Բելյակովը։
Ըստ փորձագետի՝ Փաշինյանը փորձում է փրկել իր դեմքը:
«Անշուշտ, Փաշինյանն ամեն կերպ կփորձի փրկել իր դեմքը, ցույց տալ, որ իրականում ինքը ոչ մի բանում մեղավոր չէ, և ինքը չէ, որ Հայաստանը հասցրել է այն վիճակին, որում այժմ գտնվում է։ Եվ կցանկանայի ևս մեկ անգամ ընդգծել, որ Փաշինյանն անկայուն մարդու դիրք է զբաղեցնում, որն իր եզրակացություններում գնում է տարբեր ուղղություններով։ Նա մեղադրել է նաև հայկական եկեղեցուն՝ մեղադրելով նրան երկրում տիրող իրավիճակի մեջ: Մեղավոր են բոլորը, բացի Փաշինյանից»,-եզրափակել է Բելյակովը։
Հետևեք մեզ Viber-ում
