ՍԿԱՆԴԱԼ․ Մհեր Գրիգորյանը վաճառել է պետական գույքը՝ պետությանը հասցնելով 7 մլն դոլարի վնաս

Hayeli.am լրատվական կայքի ձեռքում հայտնվել են փաստեր այն մասին, որ ՀՀ փոխվարչապետ Մհեր Գրիգորյանը մոտավորապես 7 մլն․ $-ի վնաս է հասցրել պետությանը՝ պետական գույքը ապօրինի վաճառելով։ 2023 թվականի նոյեմբեր ամսին, բաց մրցույթային կարգով վաճառվել է ՀՀ ՆԳՆ թիկունքի N1 գործող բազան, հագեցած բոլոր պայմաններով։ Բազան վաճառվել է մեկնարկային գնով, այն է՝ 455,0 մլն դրամ, այն պարագայում, երբ գնման համար հայտ են ներկայացրել մի քանի կազմակերպություններ, սակայն մրցույթի աճուրդին մասնակիցները չեն մասնակցել։ Այսինքն՝ աշխատանք է կատարվել չմասնակցելու համար։ Նշված 455,0 մլն դրամ գումարը (1քմ- 110$ համարժեք) տվալ տարածքում համապատասխանում է հողի շուկայական արժեքի 1/3-ից պակաս։ Բացի հողի միավորի արժեքի անհամապատասխան լինելուց, բազայի տարածքում առկա է մոտ 4,0 հազ․ քմ ընդհանուր շինություններ՝ պահեստային, վարչական, օժանդակ և այլն։ Ունի՞ արդյոք կառավարությունը հաշվարկներ, թե նշված ծավալի շենք-շինություններին համապատասխան շենքերի կառուցումը ինչքան կարժենա պետության վրա։ Հասկանալու համար, թե ինչ ահռելի վնաս է հասցվել պետությանը․ վաճառված գնի (455,0 մլն դրամ) 4-5 անգամ ավելին։ Այսպիսով՝ պետությանը հասցված վնասը կգերազանցի մեկնարկային գնի 6-7 պատիկը, մոտ 7 մլն $։ Այս բոլոր գործարքները ակնհայտ, ընդգծված խոշոր չափերի կոռուպցիա է։ Եթե կառավարությունը այդքան մտահոգված էր բազայի տարածքը ձեռք բերած բիզնեսին օժանդակելու հարցում, ապա պարտավոր էր պայման դնել և բազան վաճառել միայն այն դեպքում, երբ գնորդը տվյալ տարածաշրջանում կգներ նույն մակերեսով տարածք, կկառուցեր համարժեք շենք-շինություն, որպեսզի համեմատականները տարբեր չլինեին։ Այս ամենի ամենաամոթալի կողմն այն է, որ դեկտեմբերի 11-ից մինչև 01․05․2024 թ․ բիզնեսն օկուպացրել է ՆԳՆ բազան:

Այսպիսով, հասկանալի է դառնում, որ ՀՀ վարչապետ Նիկոլ Փաշինյանի, ՀՀ փոխվարչապետ Մհեր Գրիգորյանի համար գոյություն չունի պետական շահը։ Մի շարք հարցեր են առաջանում, որոնց պատասխանները դժվար թե կարողանան տալ ներկայիս իշխանությունները։
Ինչու՞ վաճառվեց պետական գույքը, ի՞նչ հաշվարկներով էր կազմվել մեկնարկային արժեքը, ինչպե՞ս ստացվեց, որ վաճառվեց մեկնարկային գնով, երբ հայտ ներկայացնողները մի քանիսն էին, ի՞նչ արվեց, որ մրցույթին չմասնակցեցին այլ գնորդներ, արդյոք կա՞ն հաշվարկներ, թե առկա շենք-շինությունների նոր կառուցումը որքան կարժենա պետության վրա, ի՞նչ է կոչվում այս գործարքի «անունը», երբ պետությանը պատճառվել է 6-7 մլն դոլարի վնաս, ինչու՞ համար գնորդին չի թույլատրվել համարժեք պարամետրերով շին․ կառուցել՝ փոխարինելու համար, արդյունքում ո՞րն է և ու՞մն է գործարքի գերակա շահը։