Մարդու որդին խաչի մատերիալից էր խոսում, որից վախենում է․ Բագրատ Սրբազանը՝ Փաշինյանի հայտարարության մասին
Ինձ ամեն օր այնքան բան են զեկուցում, կամաց-կամաց ասում եմ ամեն ինչ։ Այնքա՜ն մարդ կա, խորհրդարանից խոսողներն էլ են զեկուցում, իմացիր։ Երեկ մի մարդ Խորհրդարանում հայտարարություն է արել՝ սպառնացել է սպանել, ունեզրկել, չէ՞։ Այս մասին հայտարարել է Բագրատ Սրբազանը։
Հարցին՝ նկատի ունի Խաչատուր Սուքիասյանին՝ Սրբազանն արձագանքեց․ «Երևի անուն-ազգանունն այդպիսին էր»։
Հարցին՝ նա էլ է զեկուցում, Բագրատ Սրբազանն արձագանքեց՝ նշելով․ «Չգիտեմ, ինձ անձնապես՝ ոչ, բայց երևի ինչ-որ բաներ արել է, չգիտեմ։ Այդ սպառնալիքի համար դուք պետք է գնայիք իրենից պատասխան պահանջեիք»։ Բագրատ Սրբազանի խոսքով՝ ինքն իր ասածների համար պատախանատու է մինչև վերջ, իսկ եթե սխալ բան է ասում՝ կամա, թե ակամա՝ չի ամաչում ներողություն խնդրելուց, ոչ էլ՝ ինքնաարդարանում է՝ ի տարբերություն այն մարդկանց, որոնք Խորհրդարանը հարկատուների հաշվին օգտագործել են՝ նույն հարկատուներին էլ գործակալ, էլ չգիտեմ ինչ ասելու համար։
«Երեկ այս խաչի մատերիալի մասին է խոսել մարդու որդին, որից վախենում է, սարսափում է։ Այս խաչը, որովհետև, փամփուշտներով է սարքված, խաղաղության ու հաղթանակի խաչ է, այս խաչն իմ ուխտի խաչն է,- ասաց Բագրատ Սրբազանը՝ նշելով, որ թիվ մեկ ամբիոնից այդ մասին խոսելը նշանակում է, որ հասել են փողոցային մակարդակի։
Հետևեք մեզ Viber-ում
