Որն էր աղետի պատճառը. Hurriyet-ը ներկայացրել է Ռաիսիի ուղղաթիռի կործանման թուրքական վարկածը
Ուղղաթիռի վթարը, որի ժամանակ զոհվել է Իրանի նախագահ Էբրահիմ Ռաիսին, կարող էր լինել Իրանում իշխանության համար ներքաղաքական պայքարի արդյունք։ Արտաքին դավադրությունը ևս չի կարելի բացառել, այդ դեպքում հիմնական կասկածներն ընկնում են Իսրայելի վրա, գրում է թուրքական Hurriyet թերթը։
Հրատարակությունը նշում է, որ Իրանում իշխանության համար պայքար է ընթանում՝ կապված գերագույն առաջնորդ Ալի Խամենեիի պատկառելի տարիքի հետ։ Ռաիսին, նրա կարծիքով, այս պաշտոնի ամենահավանական հավակնորդներից էր, սակայն Խամենեիի շրջապատը ցանկանում է որպես իր իրավահաջորդ տեսնել Իրանի հոգևոր առաջնորդի որդուն՝ Մոջթաբա Խամենեին։
«Չի կարելի բացառել, որ թիրախ է եղել նաև Իրանի արտգործնախարար Ամիր Աբդոլլահիանը։ Նա Ռաիսիից հետո նախագահի թեկնածուներից էր։ Եթե սա նրա դեմ մահափորձ էր, ապա դա նշանակում է մեկ քարով երկու թռչուն սպանել»,- գրում է Hurriyet-ը։
Հիշեցնենք՝ Իրանի նախագահական ուղղաթիռը մայիսի 19-ին, Խուդաֆերինից Թավրիզ թռչելիս կործանվել է Իրանի Արևելյան Ադրբեջան նահանգում, ինչի հետևանքով ուղղաթիռի անձնակազմն ու բոլոր ուղևորները (ընդհանուր 9 մարդ), այդ թվում երկրի նախագահ Էբրահիմ Ռաիսին ու ԱԳ նախարար Հոսեյն Ամիր Աբդոլլահիանը, զոհվել են։
Աղբյուր` Փաստինֆո
Հետևեք մեզ Viber-ում
