«Կոլցո» օպերացիայով ոստիկանները Կիրանցը հանձնում են թշնամուն

Կիրանցի հանդեպ իշխանությունների վերաբերմունքն առանձնահատուկ է։ Ճիշտ է, սահմանապահներ պետք է տեղակայվեն նաեւ Բերքաբերի, Բաղանիսի, Ոսկեպարի սահմանակից հատվածներում, բայց այս գյուղեր այլ քաղաքացիների մուտքն արգելված չէ։

Կիրանց տանող ճանապարհը փակել են Բերքաբեր գյուղից, իսկ Իջևանից դեպի Բերքաբեր ճանապարհը բաց է ։ Կիրանցին մոտենալ հնարավոր չէ, նաև Բաղանիսի կողմից։

Ոսկեպար եւս ելումուտը փակ չէ։ Արդյոք այս պահին սահմանազատման աշխատանքներ տարվում են «Փաստինֆո»-ի հարցին ի պատասխան՝ գյուղապետ Իշխան Աղբալյանն ասաց՝ «ի՞նչ աշխատանքներ, գյուղի մոտ սահմանազատել են, հասել գետի բերանին, կանգնել, հիմա ին՞չ աշխատանք անեն , ուզում եք էս էլա՞ծն էլ տանք»։

Միակ բացառությունը Կիրանցն է՝ այն բոլոր կողմերից շրջափակման մեջ է վերցվել, գյուղացիներն էլ հայտնվել են պատանդի կարգավիճակում։ Պարզվում է՝ իշխանությունները որոշել են այս գյուղի մի մասը հանձնել Ադրբեջանին եւ արդեն սահմանային սյուները տեղադրվում են գյուղի մեջ։

Այլ խոսքով՝ բերետավորների մասնակցությամբ իրականացվում է «Կոլցո» օպերացիա՝ ոչ թե հայկական հողերն ազատագրելու, այլ Կիրանց գյուղի կեսը թշնամուն հանձնելու համար։