«Բա մնայիք Արցախում, ինչի դուրս եկաք».ոստիկանության պաշտոնյա

ՆԳՆ ոստիկանության Տավուշի մարզային վարչության պետ Արթուր Մկրտչյանը, որը խոչընդոտում է պատգամավորների, գործիչների, լրագրողների մուտքը Կիրանց, շարունակում է իշխանամերձ շրջանակների կողմից իրականացվող արցախցիների դեմ արշավը։

Այսօր Կիրանցում արցախցի լրագրողներից մեկը, անդրադառնալով Մկրտչյանի պնդմանը, թե բնակիչներից մեկն ոպղղակի հուզված էր, հակադարձեց՝ ասելով, որ արցախցիներն էլ այդպես հուզված վիճակում ստիպված եղան լքել իրենց տները։ Մկրտչյանն էլ լրագրողից հետաքրքրվեց, թե նա որտեղից է և լսելով, որ Արցախից, արձագանքեց․ «Բա մնայիք Արցախում, ինչի դուրս եկաք»։

Ներկաները, այդ թվում՝ քաղաքագետ Սուրեն Պետրոսյանը, հորդորեցին չշարունակել և նման բաներ չասել։

Աղբյուր` Փաստինֆո