Սուրեն Քրմոյանը լավ լուր ունի

ՔԿՀ-ներում առողջապահական խնդիրների լուծման ծայրը երևում է, ազդարարում է Արդարադատության փոխնախարարը։ Պետությունն այժմ դատապարտյալին տրամադրում է միայն առաջին անհրաժեշտության դեղորայք։ Իսկ սկսած 2018-ից՝ դեղորայքի խնդիր չի լինի ոչ հիվանդանոցային, և ոչ էլ առաջնային բուժօգնության ոլորտում։ «Հաջորդ տարի կկարողանանք ասել, որ այդ խնդիրը գերազանցապես լուծվել է»,- «Ա1+»-ի հետ զրույցում ասում է Արդարադատության փոխնախարար Սուրեն Քրմոյանը։ Մինչ պետությունը տեղից կշարժվի, առանձնահատուկ հիվանդություն ունեցող դատապարտյալներն ամեն օր են բախվում դեղորայքի պակասի խնդրին։ Նրանց դեղ հասցնում են հարազատները։ Մինչ սպասվող բարեփոխման ավարտը, բաց է մնում հետևյալ հարցը՝ ի՞նչ պետք է անեն հարազատներ չունեցող կամ աղքատ դատապարտյալները։ Սուրեն Քրմոյանը լավ լուր ունի բժշկական սարքավորումների կարիք ունեցող ՔԿՀ-ների համար. «Հաջորդ տարի մենքլրացուցիչ սարքեր կտրամադրենք, բայց ներկայիս նրանց հագեցվածությունը անհամեմատ ավելիլավն է, քան թե քաղաքացին գնա պոլիկլինիկա և բուժօգնություն ստանա։ Կադրերն էլվերապատրաստել ենք, բժշկական և ոչ բժշկական անձնակազմը՝ 800 հոգի անցել ենվերապատրաստում»։ Վաղաժամկետ ազատ արձակման ինստիտուտից դժգոհ են դատապարտյալներից շատերը։ Ընդամենը մեկ վիճակագրություն՝ Արմավիր ՔԿՀ-ից վերջերս վաղաժամկետ ազատ արձակման խնդրանքով Անկախ հանձնաժողով է դիմել 200 դատապարտյալ։ Նրանցից միայն 3-ն է ազատ արձակվել։ Փոխնախարարի խոսքով՝ մերժված դատապարտյալները պետք է անեն նաև հաջորդ քայլը՝ դիմեն դատարան. «Հիմա Անկախ հանձնաժողովը որոշում չի տալիս, եզրակացություն էտալիս, և դատապարտյալն է որոշում բացասական եզրակացությունով գնա՞լ դատարան, թե՞որոշակի աշխատանք կատարել ուղղման ուղղությամբ, դրական եզրակացությունով գնալ, բայցվերջնական որոշողը դատարանն է»։ Իրավապաշտպան Արթուր Սաքունցը չի հիշում մի դեպք, երբ Անկախ հանձնաժողովի կողմից բացասական եզրակացություն ստացած դատապարտյալը դատարանում հաղթի և ազատ արձակվի։ Խնդիրը գալիս է դեռ ՔԿՀ-ից, երբ դատապարտյալն ստանում է այս կամ այն տույժը, սակայն փաստացի զրկված է այն բողոքարկելու իրավունքն իրացնելուց։ «Որևիցե մեկը կհամարձակվի՞ դիմել դատարան և դատական կարգով բողոքարկի իր նկատմամբնշանակված տույժը, ինչը կարևոր նշանակություն է ունենում անձի ուղղված կամ չուղղվածլինելու հանգամանքը գնահատելիս, իհարկե՝ ոչ»,- «Ա1+»-ի հետ զրույցում ասում էիրավապաշտպանը։