Այսօր է վճռվելու վաղը. քաղաքացիական հասարակությունը ձեր աչքի առաջ քանդվել է. Բագրատ Սրբազան
Այսօր է վճռվելու վաղը, և չհոգնեք, խնդրում եմ, ներգրավեք ավելի ակտիվությամբ: Եթե դու պատրաստ ես դիմագրավելու ամեն ինչ, կկարողանաս ոչ միայն հաղթահարելու մասին մտածել, այլ դրանք բոլորը ծառայեցնել քեզ, բոլոր իմաստներով դարձնել հնարավորություն քեզ համար: Այս մասին այսօր՝ մայիսի 17-ին, ԵՊՀ-ի բակում իր «Ինչպես չլինել չմարդ» թեմայով դասախոսության ժամանակ նշեց Տավուշի թեմի առաջնորդ Բագրատ Սրբազանը։
«Առաջիկայում կհայտարարվի՝ ինչ ենք անելու, ինչպես ենք անելու, ինչ ճանապարհով ենք գնալու, յուրաքանչյուրն ինչ գործառույթ ունի անելու: Միասին, որպես ամբողջական բանակ, տոնելու ենք մեր հաղթանակը: Անընդհատ մեզ ներարկում են, որ այս հասարակությունը անտարբեր է և դա որևէ գործողություն չանելու արդարացումն է: Դա թունավորում է մեզ: Սա ինքնարդարացում է, որ ասենք՝ ես ուզում էի, բայց էս ժողովուրդն այնքան անտարբեր է, որ անհնար է որևէ բան անել: Բայց դու դեռ քայլ էլ չես արել: Նաև մեզ ներարկել են անելանելիության, անզորության զգացում: Մենք չանտարբերների մասին պետք է մտածենք և շատանանք, շատանանք»,-ասաց նա: