Հրատապ. Ոստիկանները սահմանափակել են Բագրատ Սրբազանի ազատ տեղաշարժը

Արդեն երկրորդ օրն է՝ Կիրանցում սահմանվել է ապօրինի անցագրային ռեժիմ եւ ոստիկանությունը սահմանափակում է քաղաքացիների ազատ տեղաշարժվելու իրավունքը, արգելվել ելումուտը՝ Կիրանց։

Ոստիկանները կրկին պատ են կազմել ու արգելել նաեւ Տավուշի թեմի առաջնորդ Բագրատ Սրբազանի մուտքը Կիրանց՝ առանց որեւէ իրավական հիմնավորման։

Նշենք, որ մուտքը արգելվել է երեկվանից՝ պատճառաբանելով ականազերծման աշխատանքներով, մինչդեռ, ինչպես Սրբազանը նկատեց, իրենք չեն պատրաստվում գնալ ականապատ դաշտերը, այլ միայն գյուղի տարածք, որտեղ գտնվում են մյուս գյուղացիները։

Արձանագրենք նաեւ, որ Ոսկեպարում եւ Բերքաբերում ականազերծում իրականացնելիս քաղաքացիների մուտքը չէր արգելվել. իշխանությունների վերաբերմունքը առանձնահատուկ է Կիրանցի նկատմամբ, որի կեսը, ապօրինի սահմանազատման շրջանակներում, պատրաստվում են հանձնել թշնամուն։

Աղբյուր` Փաստինֆո