Լաս Վեգասի հրաձիգը 40 մլն դոլարի վնաս է պատճառել

Ինչպես նշում է lenta.ru-ն,   Morgan Stanley ներդրումային բանկի նոր հրապարակված հետազոտությունում ասվում է,որ  հոկտեմբերի սկզբին Լաս Վեգասում 64-ամյա ամերիկացի Սթիվեն Փեդոքի կողմից իրականացված զանգվածային սպանդից հետո արձանագրվել է դեպի քաղաք զբոսաշրջիկների հոսքի նվազում:  59 մարդու մահվան պատճառ դարձած հարձակման հետևանքով նվազել են այն ընկերությունների արժեթղթերի գները, որոնք ԱՄՆ-ում խաղատներ ու հյուրանոցներ ունեն: Փեդոքի իրագործած ոճրագործության բացասական ազդեցությունը Լաս Վեգասի շուկայի վրա կպահպանվի առնվազն կես տարի: Ոլորտի փորձագետների կանխատեսումներով՝ Լաս Վեգասում կատարված ողբերգությունը 4-6%-ով կնվազեցնի հյուրանոցների ու խաղատների տերերի եկամուտը: Եթե Morgan Stanley-ի կանխատեսումը ճիշտ լինի, ապա Նևադա նահանգը միայն խաղային բիզնեսի ոլորտում կկրի 40 մլն դոլարի վնաս: