Երևանի վարչական 4 շրջանի ղեկավարների գույքն ու եկամուտները. iravaban.net

Իրավաբան.net-ը շարունակում է ներկայացնել բարձրաստիճան պաշտոնատար անձանց գույքի և եկամուտների հայտարարագրերը: Այս անգամ շարունակաբար կներկայացնենք Երևանի 12 վարչական շրջանների ղեկավարների հայտարարագրված կարողությունը։ Այսպիսով, Երևանի Ավան վարչական շրջանի ղեկավար Մանվել Ջավադյանը հայտարարագրել է 2 բնակարան՝ բազմաբնակարան շենքում, մեկ ավտոտնակ, Mercedes-Benz S 500 մակնիշի ավտոմեքենա: Ղեկավարի դրամական միջոցները` պաշտոնը ստանձնելու օրվա դրությամբ կազմել են 14.000.000 դրամ, 28.000 դոլար և 21.000 եվրո: Մանվել Ջավադյանի տարեկան եկամուտը կազմում է 1.661.520 դրամ՝ ստացված աշխատավարձից: Երևանի Արաբկիր վարչական շրջանի ղեկավար Հովհաննես Վարդանյանը հայտարարագրել է ՎԱԶ 2103 մակնիշի ավտոմեքենա: Նրա դրամական միջոցները պաշտոնը ստանձնելու պահին կազմել են 20.000.000 դրամ և 55.000 դոլար: Վարդանյանի տարեկան եկամուտները ստացվում են երկու աղբյուրներից՝ աշխատավարձից և գույքը օտարելուց ստացված եկամուտից. համապատասխանաբար՝ 1.509.400 և 6.000.000 դրամ, ընդհանուր՝ 7.509.400 դրամ: Երևանի Դավթաշեն վարչական շրջանի ղեկավար Ռուսլան Բաղդասարյանը հայտարարագրել է մեկ հողամաս և հողին ամրակցված մեկ այլ անշարժ գույք: Նա հայտարարագրել է նաև ԳԱԶ 24 մակնիշի մեկ ավտոմեքենա։ Դավթաշենի ղեկավարի դրամական միջոցները պաշտոնը ստանձնելու պահին կազմել են 61.000.000 դրամ: Որպես եկամուտ Բաղդասարյանը ստանում է 1.611.018 դրամ՝ աշխատավարձից։ Երևանի Աջափնյակ վարչական շրջանի ղեկավար Արտավազդ Սարգսյանը 2011-2012 թվականներին եղել է ՀՀ կառավարությանն առընթեր պետական գույքի կառավարման վարչության պետի տեղակալի պաշտոնում: Այս պաշտոնը ստանձնելիս Սարգսյանը հայտարարագրել էր մեկ Mercedes-Benz G500 մակնիշի ավտոմեքենա, որը նույն հարկային տարում վաճառել էր 18.000.000 դրամով: Դրամական միջոցները կազմել էին 12.800.000 դրամ և 429.604 դոլար: Եկամուտները ստացվել էին 2 գույքի օտարումից, աշխատավարձերից, փոխառության դիմաց ստացված տոկոսից՝ և այլ եկամուտից, համապատասխանաբար՝ 57.336.566 դրամ և 7.267 դոլար։ Պաշտոնական պարտականությունները դադարեցնելու պահին՝ 2012 թվականի համաձայն Արտավազդ Սարգսյանը հայտարարագրել էր մեկ բնակարան` բազմաբնակարան շենքում, Mercedes-Benz S550 և Vaz 21065 մակնիշների ավտոմեքենաներ, որպես դրամական միջոց՝ 14.750.000 դրամ և 365.928 դոլար: Նրա տարեկան եկամուտները մեկ տարում էականորեն աճել էին՝ հասնելով 57.935.194 դրամի և 21.134 դոլարի: Մանրամասները՝ սկզբնաղբյուր կայքում