«Հյուսիսային պողոտայի շենքերը չպետք է բարձր լինեին Օպերայի և բալետի ակադեմիական թատրոնի շենքից»
«Հանուն կայուն մարդկային զարգացման» ասոցիացիայի նախագահ, բնապահպան Կարինե Դանիելյանը ԱԺ պաշտպանության եւ անվտանգության հարցերի մշտական հանձնաժողովի նախաձեռնությամբ հրավիրված «Աղետների ռիսկերի կառավարման բնագավառում ազգային կարողությունների զարգացումը» թեմայով խորհրդարանական լսումների ժամանակ հայտարարեց, որ քաղաքաշինության ոլորտում առկա են բազմաթիվ խնդիրներ: «Ըստ Կառավարության նախնական որոշման՝ Հյուսիսային պողոտայի շենքերը չպետք է բարձր լինեին Օպերայի և բալետի ակադեմիական թատրոնի շենքից, բայց այսօր տեսնում ենք, թե ինչ բազմահարկեր են այնտեղ: Կարծես այդ բազմահարկերը հատուկ կառուցվում են հենց դպրոցների կողքին՝ հաճախ մի քանի մետր հեռավորությամբ»,- նշեց բնապահպանը՝ ընդգծելով, որ երկրաշարժերի ժամանակ դրանք անչափ մեծ վտանգ են պարունակում:
Հետևեք մեզ Viber-ում
