Եթե հիվանդ է, հիվանդ մարդուն պետք է բուժել. Զարուհի Փոստանջյան
«Երկիր ծիրանի» կուսակցության առաջնորդ Զարուհի Փոստանջյանն այսօր հայտարարեց, որ Երևանի ավագանու նիստերին կամ Ազգային ժողովում անթույլատրելի վարքագիծ չտեսնելու համար պետք է փոխել ամբողջ քաղաքական համակարգը: «Այս հին էլիտայի ներկայացուցիներին՝ ՀՀԿ-ականներին ընդհանրապես պետք է քաղաքականությամբ զբաղվելու իրավունք չտրվի: Մենք նաև ցանկանում ենք, որպեսզի ՀՀԿ-ն անցնի դատապարտման ճանապարհով, որովհետև եթե մենք չենք դատապարտելու այդ կուսակցությանը, ապա նրա այդ քաղցկեղածին բջիջները շարունակելու են մնալ մեր հասարակության մեջ և նորից արատավոր երևույթներ տարածել»,- ասաց Փոստանջյանը: Հա հավելեց, որ ավագանու նիստում տեղի է ունեցել խուլիգանություն, ինչը քրեորեն հետապնդելի արարք է. «Ցավը նրանում է, որ այս անձն արդեն հերքել է, որ իբր թե ինքը մեզ չի անպատվել ու հայհոյել: Եթե մեր նկատամբ չէ այդ հայհոյանքը հնչեցրել, այլ ուղղակի դահլիճում է հնչեցրել, այստեղ արդեն խուլիգանություն է: Իսկ եթե նա առողջական խնդիրներ ունի, ապա մենք խնդիր ունենք հիվանդ մարդու հետ, մեկ այլ տիրույթ պետք է փոխանցվի հարցը: Եթե հիվանդ է, հիվանդ մարդուն պետք է բուժել»:
Հետևեք մեզ Viber-ում
