Դրել եմ թեկնածությունս , կոտրելու համար կարծրատիպը, որ ոչ մեկ չպտի զմրսվի իրա պաշտոնին. Գևորգ Պետրոսյան
ԵՊՀ իրավաբանական ֆակուլտետի դեկանի պաշտոնում իր առաջադրումը Գեւորգ Պետրոսյանը համարում է ԵՊՀ այդ ֆակուլտետի երկարամյա քաղաքականության փոփոխություն։
«Փաստինֆոն» տեղեկացրել էր, որ այսօր տեղի է ունենում ԵՊՀ իրավաբանական ֆակուլտետի դեկանի ընտրություն, որին այս անգամ իր թեկնածությունը չի առաջադրել երկարամյա դեկան Գագիկ Ղազինյանը:
Առաջադրված թեկնածուներից մեկը դեկանի տեղակալ Հարություն Խաչիկյանն է և ԵՊՀ իրավաբանական ֆակուլտետի դասախոս Գևորգ Պետրոսյանը, որին վերջերս զրկել էին դասաժամերից և միայն դատական կարգով է հետամուտ եղել իր իրավունքների վերականգնմանը։
Հարցին, թե որքանով է հավանական համարում իր ընտրվելը դեկանի պաշտոնում` Գ. Պետրոսյանն արձագանքել է` «Ես իմ այս առաջադրումով ցույց եմ տալու, որ ոչ մի պաշտոն ոչ մեկի տեղը չի։ Տեղը քո տունն է, պաշտոնը տեղ չի, որ ասես` ես այս մարդն եմ, սա իմ տեղն է, ոչ մեկ իմ դեմ թեկնածություն չի դնի։ Ես դրել եմ` կոտրելու այդ կարծրատիպը, որ ոչ մեկ չպետք է զմռսվի իրա պաշտոնին: Անգամ`մի քիչ հումորային կարգով ասել եմ, որ Քաղաքացիական դատավարության օրենսգրքով առաջարկ եմ անելու` հայցադիմում ներկայացնել` պաշտոնից պաշտոնյայի ամուսնալուծության պահանջի մասին։Ղազինյան արդեն ամուսնալուծվել է պաշտոնից, քանի որ չի առաջադրվել»,- ասել է Գևորգ Պետրոսյանը:
Նա համոզված է, որ Նիկոլ Փաշինյանը հատուկ հանձնարարել է ամեն ինչ անել, որ ինքը չընտրվի:
«ՀՀ-ում Ադրբեջանի արտակարգ և լիազոր դեսպան Նիկոլ Փաշինյանն ասել է , որ ամեն ինչ անեն, որ Պետրոսյան Գևորգի ընտրությունը կանխեն։Հիմա կտեսնենք, թե ինչ են իրենք անում։ Ես մեծագույն հարգանքով եմ վերաբերվում խորհրդի կազմին, գիտնականներ են , ես գիտության ոլորտի մարդ եմ, 27 տարի դասավանդում եմ, ոչ մի առումով չեմ զիջում որևէ այլ թեկնածու, տեսնենք»,- ընտրությունից առաջ նշել է Գևորգ Պետրոսյանը:
Հետևեք մեզ Viber-ում
