Զինծառայողներին տրվող 150 կմ-ի արտոնությունը կհանվի.նախարար
«Քաղաքացին վիճակահանության ժամանակ չի կարող քաշել այնպիսի զորամաս, որն իր բնակավայրից 150 կմ մոտ շառավղով լինի։ Սա անիմաստ կարգավորում է, որովհետև եթե դա վիճակահանություն է, ապա հնարավորությունները պետք է հավասար լինեն։ Օրինակ՝ Տավուշում արտոնությունից օգտվող քաղաքացին լրիվ օրենքի շրջանակներում կարող է հայտնվել առաջնագծում՝ մարտական հերթապահություն իրականացնելիս, որովհետև իր տունը գտնվում է 60 կմ հեռու: Կարծում ենք, դա ձևական բնույթ է կրում: Փոքր տարածքով հանրապետության պարագայում սա որևէ խնդիր չի լուծում, ընդամենը ձևական է, որ մենք արտոնություն ենք տալիս:Եթե երիտասարդն ունի արտոնություն, բայց ուզում է «Ես եմ» ծրագրով ծառայել, մասնակցել զորակոչին, կարող է արտոնությունից չօգտվել, ծառայությունն անցկացնել առաջնագծում։ Ծառայության ընթացքում արտոնության դեպքում մեկ արձակուրդի տեղը տրվում է 3 արձակուրդ: Արտոնությունը նրա համար էր, որ ծնողը հեշտ այցելի զորամաս, իսկ մենք այսպես թույլ ենք տալիս 3 անգամ գնալ տուն՝ 6 ամսում», -Հայաստանի պաշտպանական համակարգին վերաբերող օրենսդրական նոր կարգավորումներով տարածքային սահամանփակումները հանվելու են, այսօր «Զինապարտության և զինվորական ծառայության մասին օրենսդրական նոր կարգավորումների վերաբերյալ» թեմայով խորհրդարանական լսումների ժամանակ հայտարարեց պաշտպանության նախարար Վիգեն Սարգսյանը։ Տեղական զորակոչային հանձնաժողովները վերանալու են, որոնք իրական կյանքում չեն գործում : Զինկոմիսարիատներում գործող հանձնաժողովը անելիք չունի, քանի որ այդ հանձնաժողովներում պատասխանատվությունը «լղոզվում» է,, այսօր «Զինապարտության և զինվորական ծառայության մասին օրենսդրական նոր կարգավորումների վերաբերյալ» թեմայով խորհրդարանական լսումների ժամանակ հայտարարեց պաշտպանության նախարար Վիգեն Սարգսյանը։ Ինչ վերաբերում է բուժզննմանը, Սարգսյանն ասաց, որ այդ դաշտում իրավիճակը մտահոգիչ է։ «Մենք ունենք մտահոգիչ վիճակ, որտեղ նորակոչիկի առողջական վիճակի որոշման խնդիրը 3-4 օղակի վրա է թողնված՝ լղոզված պատասխանատվություն: Մեկը տալիս է եզրակացություն վիզուալ կոնտակտի հիման վրա, ուղեգրում է մարդկանց շրջանային պոլիկլինիկաներ զննում անցնելու և հանձնաժողով՝ արդյունքները ներկայացնելու: Բուժհաստատությունը որոշման համար պատասխանատվություն չի կրում, բժիշկն ասում է՝ էխոյի վրա տեսել եմ քար, հանձնաժողովն ասում է, բերել է քարի ախտորոշում, ես էլ գրել եմ ոչ պիտանի ու շատ դժվար էր հասկանալ, թե որ օղակում է որոշումը կեղծված», - իրավիճակը ներկայացրեց Պաշտպանության նախարարը:
Հետևեք մեզ Viber-ում
