Տիրան Խաչատրյանի առաջին մեկնաբանությունն՝ ազատ արձակվելուց հետո (video)
ՀՀ զինված ուժերի գլխավոր շտաբի պետի նախկին տեղակալ Տիրան Խաչատրյանը գոհ է դատարանի այսօրվա որոշումից, որ ազատ արաձակվեց, սակայն նշեց՝ դատարանի որոշումը վերջնական չի։
«Վերջնական որոշում չի, բայց միջանկյալ հատվածի համար գոհ եմ»,- լրագրողների հետ զրույցում ասաց նա։
Խաչատրյանը հայտարարեց, որ իրեն մեղավոր չի ճանաչում։
«Ես որևէ մեկին վնասելու, վիրավորելու փորձ չեմ արել, ձգտում չեմ ունեցել։ Ես հնարավորություն ունեցել եմ շատ ավելի վատ բաներ անելու»,- ասաց ԳՇ պետի նախկին տեղակալը։
Ըստ Խաչատրյանի՝ իրեն կալանավորել են քաղաքական դրդապատճառներով։
«Ես հակված եմ այդպես ընդունել, այդ մոտեցումը դրսևորվել է իմ նկատմամբ»,- ասաց նա։
Հետևեք մեզ Viber-ում
