Ինչպես կասեր հայտնի Խաչիկյանը՝ դուք և ձեր նմանները խայտառակում եք ԵԱՏՄ-ն.Փաշինյան

ԱԺ ճեպազրույցների ժամանակ   Ելք խմբակցության ղեկավար Նիկոլ Փաշինյանը հայտարարեց,որ Ելք դաշինքն այս ՏԻՄ ընտրություններին չի մասնակցի և կպատրաստվի հաջորդ ՏԻՄ ընտրություններում թեկնածուներ առաջադրելուն. «ՏԻՄ ընտրություններին մասնակցելուց առաջ մեզ անհրաժեշտ են որոշակի, կառուցվածքային փոփոխություններ, կադրային հարցեր լուծել, մարզերում աշխատանք տանել: Ելքում ձևավորվել է աշխատանքային խումբ, որն այս բոլոր հարցերով կզբաղվի: Հույս ունենք հաջորդ ՏԻՄ ընտրություններին ակտիվ մասնակցել:Ուզում ենք փոփոխություններ բերել և գնալ հաղթանակի»,- ասաց Փաշինյանը: Նա տեղեկացրեց,որ ԱԺ Ելք խմբակցությունը հանդես կգա նախաձեռնությամբ՝ ԱԺ Էթիկայի հանձնաժողով ստեղծելու պահանջով:  «Սա քաղաքական հարց է և պետք է ստանա քաղաքական լուծում: Ես ուզում եմ մենք միջադեպը ճիշտ պատկերացնենք: Այդ սպասելի հարձակումից ես բավական հաջող պաշտպանվել եմ: Եվ այդ առումով իրավապահ մարմիններին դիմելու անհրաժեշտություն չկա »,- ասաց Փաշինյանը: «Իմ տպավորությունն այնպիսին է, որ կաթիլ-կաթիլ Գեղամյանին՝ որպես անհեռանկար մի մարդու հրել են առաջին գիծ և ներքին պրովոկացիայի արդյունքում ստացել են ինչ-որ միջադեպ: Այս միջադեպի նպատակն այն է, որպեսզի Ելքի շաշտադրումները, տոնայնությունը փոխվի: Մենք շարունակելու ենք իրերը կոչել իրենց ունունով, երբեմն նաև իրենց ազգանունով»,- հավելեց Փաշինյանը: «Սա բանավեճում պարտվածի ռևանշի փորձ է: ՀՀԿ-ն առաջին օրից պարտվել է բանավեճում: Եվ այդ ուժի մտավախությունն այն է, որ խորհրդարանական բանավեճում պարտվելը կվերածվի ներքաղաքական պայքարում պարտության: Ինչպես կասեր հայտնի Խաչիկյանը՝ դուք և ձեր նմանները խայտառակում եք Եվրասիական տնտեսական միությունը, որն առանց այն էլ խայտառակված է:Այս քննարկումներում  Ելքը հասավ էությանը, որ ՀՀ-ն ԵՏՄ-ին չի անդամագրվել, այլ պատանդառված է ԵՏՄ կողմից:Ընդդիմադիրներին քաղաքական կոռեկտության դասեր են տալիս, ինչը տեղին չէ. «»,- հարցադրում արեց նա»,- ասաց նա: