Երևանում թալանել են սիրված ու ճանաչված դերասան, Համազգային թատրոնի տնօրեն Արման Նավասարդյանի ավտոմեքենան

Փետրվարի 20-ին գողության դեպք է տեղի ուենցել Երևանում։ ՀՀ ներքին գործերի նախարարության ոստիկանության Քանաքեռ Զեյթունի բաժնի քրեական հետախուզության բաժանմունքում օպերատիվ տեղեկություններ են ստացվել, որ այդ օրը ժամը 23։30-ից մինչև փետրվարի 21-ի ժամը 12։40-ն ընկած ժամանակահատվածում «УАЗ» մակնշի ավտոմեքենայի դռան ապակին բացելու միջոցով գողացել են ավտոմեքենայում եղած գույքը։

Ինչպես հայտնում է ֆոտոլրագրող Գագիկ Շամշյանը, նշված հասցե են ժամանել ոստիկանության Քանաքեռ Զեյթունի բաժնի հերթապահ խումբը, ինչպես նաև Հայաստանի Քննչական կոմիտեի Երևան քաղաքի քննչական վարչության Քանաքեռ Զեյթունի քննչական բաժնի քննիչները։

Ոստիկաններն ու քննիչները պարզել են, որ ավտոմեքենայից գողացել են ձայնարկիչը, օդամղիչ պոմպը և ընթացագործային գործիքներ։

Դեպքի փաստով Քանաքեռ Զեյթունի քննչական բաժնում նախաձեռնվել է քրեական վարութ։

Գ․ Շամշյանի տեղեկություններով ավտոմեքենան պատկանում է սիրված դերասան, Սոս Սարգսյանի անվան պետական Համազգային թատրոնի տնօրեն Արման Նավասարդյանին, ով քննիչի որոշմամբ ճանաչվել է տուժող։