Ահազանգ. Քաղաքապետարանի բուժվարչության պետը հրահանգում է ապօրինություններ կատարել

Հարգելի ժուռնալիստներ,

Արդեն մի քանի ամիս Երևանի քաղաքապետարանի բուժվարչության պետ Դավիթ Կարապետյանը լծված է հավատարմագրային կառավարման տրված Քանաքեռ-Զեյթուն ծննդատունը պարալիզացնելու և հիվանդանոցին տիրանալու գործին։

Նա հրահանգել է, որպեսզի քաղաքապետարանի ենթակայության տակ գտնվող ոչ մի բժշկական հաստատություն պացիենտ չուղարկի այդ հիվանդանոց, ներառյալ՝ շտապօգնությունը և պոլիկլինիկաները։ Այդպիսով նա փորձում է հիվանդանոցը տանել սնանկացման և հեշտությամբ կարողանան խզել հավատարմագրային կառավարմանը հանձնելու պայմանագիրը։ Նա պարբերաբար հավաքում է հիվանդանոցի բուժաշխատողներին, ովքեր զայրացած են աշխատավարձ չստանալուց, և հորդորում է չգնալ աշխատանքի։

Այս ձայնագրությունը արվել է Քանաքեռ-Զեյթուն ծննդատան կոլեկտիվի հետ հանդիպման ընթացքում, որտեղ Դավիթ Կարապետյանը, իմանալով որ շտապօգնության բրիգադը հղի կնոջը տարել է այդ ծննդատուն, զանգում է շտապօգնության ղեկավար անձի և պարզաբանում պահանջում։

Հետո տեղեկացնում է, որ հրահանգել է Առողջապահական տեսչությանը, որ գան ստուգեն, և վստահեցնում է, որ անպայման տուգանելու են։

Այնուհետև կոլեկտիվին հորդորում է չգնալ աշխատանքի, եթե նույնիսկ գնում են բոլոր հոսպիտալացված հիվանդներին դուրս գրեն և այլևս ոչ մի պացիենտ չընդունել, ինքն էլ իր կողմից խոստանում է ամեն բան անել, որ պացիենտ չգա։

Ձայնագրություն՝

https://drive.google.com/file/d/1vPf9rR9Ums_wOU56uaMfWsTQcQreqdhz/view