Հայաստանի պետական պարտքն աճում է երկրաչափական պրոգրեսիայով

«Ժողովուրդ»-ը գրել է. «Հայաստանի պետական պարտքն աճում է երկրաչափական պրոգրեսիայով։ Եվ ահա, երեկ հայտնի դարձավ, որ հոկտեմբերի 1-ի դրությամբ այն կազմել է 6 մլրդ 308 միլիոն դոլար՝ մեկ ամսվա ընթացքում ավելացնելով 48.1 մլն, իսկ տարեսկզբի համեմատ՝ 365.9 մլն դոլարով։ «Ժողովուրդ» օրաթերթը պաշտոնական փաստաթղթերից պարզեց, որ այդ գումարից 5 մլրդ 696.6 մլն դոլարը կառավարության պարտքն է, որից 4 մլրդ 456.5 դոլարը՝ արտաքին պարտքը։ Մինչ այդ նկատենք, որ կառավարությունը ծրագրել է մինչև տարեվերջ էլ ավելի շատացնել պետական պարտքը՝ մոտեցնելով օրենքով ՀՆԱ 60 տոկոսի շեմի արգելքին»։