ՀՀԿ-ում զարմացած են ընդդիմադիրների՝ ՏԻՄ ընտրություններին չմասնակցելուց
ՀՀԿ գործադիր մարմնի այսօրվա նիստում քննարկվել է ներքաղաքական, արտաքին քաղաքական հարցեր, լրագրողների հետ զրույցում ասաց կուսակցության մամուլի խոսնակ Էդուարդ Շարմազանովը: Նա նշեց, որ կուսակցությունը անդրադարձ է կատարել նոյեմբերի 5-ին կայանալիք ՏԻՄ ընտրություններում ՀՀԿ թեկնածուների առաջադրմանը: «ՀՀԿ-ն գրեթե բոլոր համայնքներում կունենա թեկնածուներ», - ասաց Է. Շարմազանովը: «Վաղը 18.00-ին ավարտվելու է թեկնածուների առաջադրման ժամկետը: ՀՀԿ-ն գրեթե բոլոր համայնքներում կունենա թեկնածուներ: Կլինեն համայնքներ, մի ութ համայնք, որտեղ մենք կունենանք ազատ, դաժե մեր հանրապետական կուսակցության թեկնածուների համար կլինի ազատ մրցակցություն: Զարմանալի է, որ բացի ՀՀԿ-ից թեկնածուներ են առաջադրվել են համայնքապետի թեկնածուներ միայն Բարգավաճ Հայաստան կուսակցությունից և ՀՅԴ-ից, գոնե մինչ օրս»,- նշեց մամլո խոսնակը: Էդուարդ Շարմազանովի համար զարմանալի է, թե ինչպես են պատրաստվում ընդդիմադիր քաղաքական ուժերը լուրջ դերակատարում ունենալ, կամ հավակնում են դերակատարում ունենալ մեր երկրի քաղաքական կյանքում, եթե չեն պատրաստվում մասնակցել ՏԻՄ ընտրություններին: «Այս իմաստով, որ աստիճանաբար ընդդիմադիր ուժեր են ավելանում, քաղաքական կուսակցություններ են ավելանում, մեզ համար անհասկանալի է, թե քաղաքական ուժերը, ովքեր որ ուզում են ունենալ լուրջ դերակատարում քաղաքական կյանքում, ինչպես են առանց ՏԻՄ ընտրությունների պատրաստվում որևէ դերակատարում ունենալ»,-ասաց Է. Շարմազանովը: Նա ասաց, որ ՀՀԿ-ն շատ լուրջ է մոտենալու ՏԻՄ ընտրություններին:
Հետևեք մեզ Viber-ում
