Ռուսական ծրագիրը կրկին օրակարգում է. նոր սադրանք՝ Սարգսյան-Ալիև հանդիպումից առաջ

Հոկտեմբերի2-ին ՀՀ-ում ԱՄՆ դեսպանատունը հաղորդագրություն տարածեցԵԱՀԿ ՄԽ-ի համանախագահի առաջիկատարածաշրջանային այցի վերաբերյալ: «Այս շաբաթ ԵԱՀԿ Մինսկի խմբիամերիկացի համանախագահ ԷնդրյուՇեֆերը կկատարի իր առաջինպաշտոնական այցը Երևան և Բաքու՝հանդիպելու տեղի պաշտոնատարանձանց և տեղում ծանոթանալուիրավիճակին: Տարածաշրջանում գտնվելուընթացքում պ-ն Շեֆերը Մինսկի խմբի մյուսհամանախագահների հետ միասին նաևկմասնակցի բարձր մակարդակիհանդիպումների: ԱՄՆ-ը պաշտպանում է ԼեռնայինՂարաբաղի հակամարտության խաղաղկարգավորման գործընթացը ևկշարունակի ակտիվորեն աշխատելկողմերի հետ որպես ԵԱՀԿ Մինսկի խմբիհամանախագահ: Պ-ն Շեֆերը որպես ԱՄՆհամանախագահ պաշտպանում է մերվաղեմի քաղաքականությունը՝ընդունված Մինսկի խմբիեռանախագահների շրջանում, այն է՝արդարացի կարգավորումը պետք է հիմնվիմիջազգային իրավունքի վրա, որըներառում է Հելսինկյան եզրափակիչ ակտըև ուժի կամ ուժի սպառնալիքի չկիրառման,տարածքային ամբողջականության ևհավասար իրավունքների ու ինքնորոշմանսկզբունքները», ասվում է տարածած հաղորդագրության մեջ: Հոկտեմբերի 6-ին ԵԱՀԿ Մինսկի խմբի համանախագահները կայցելեն Երևան։ Ադրբեջանի արտգործնախարար Էլմար Մամեդյարովը Բաքվում Ուկրաինայի արտգործնախարար Պավել Կլիմկինի հետ հանդիպմանը հաջորդած մամուլի ասուլիսի ժամանակ հայտնել է, որհոկտեմբերի 7-ին միջնորդները կլինեն Ադրբեջանում։«Համանախագահները տարածաշրջան կայցելեն՝ քննարկելու նախագահների հանդիպման հարցեր», - ասել է Ադրբեջանի արտգործնախարարը։ Բաքուն ու Մոսկվան որոշակի ոգևորություն ունեն նախապատրաստվող Սարգսյան-Ալիև հանդիպումից առաջ: Բոլորին պատահական չէր, որ հենց Մամեդյարովը Նյու Յորքում համանախագահների հետ հանդիպումից հետո հայտարարեց, թե նրանց «որոշ առաջարկներ» հետաքրքիր են, ինչը պաշտոնական Երևանն ուղղակի հերքեց: Սակայն, հարկ է նկատել, որ Հայաստանի արտգործնախարարն էլ որոշակի անակնկալ հայտարարությամբ էր հանդես եկել, ըստ էության՝ տրամագծորեն հակառակ դիրքերից հանդես գալով: Մինչ Սերժ Սարգսյանը ներկայացնում էր հայկական կողմի անզիջում կեցվածքը, Էդվարդ Նալբանդյանը հանկարծ հիշեց «տարածքների վերադարձի» մասին»: Հայաստան-Սփյուռք համաժողովին այսօր Հայաստանի արտգործնախարար Էդվարդ Նալբանդյանը, անդրադառնալով Լեռնային Ղարաբաղի հիմնախնդրի կարգավորմանը, ինչպես հայտնի է, անդրադարձել է ԼՂ հարակից տարածքների վերադարձի հարցին:«Խոսքը գնում է այն տարածքների վերադարձի մասին, որոնց վերադարձի դեպքում այս ամբողջ հիմնախնդրի կարգավորմանը և անվտանգության համակարգին վնաս չի հասցվելու և սպառնալիքի տակ չի դնելու հանգուցալուծումը»,- պարզաբանել է Հայաստանի արտաքին գերատեսչության ղեկավարը: Ավելին՝ անդրադառնալով Լեռնային Ղարաբաղի անվտանգության երաշխիքներին՝ Նալբանդյանն ասել է, թե դրանք պետք է բազմաշերտ երաշխիքներ լինեն:«Ի՞նչ են ասում եռանախագահները․․․ ասում են, որ ԼՂ հիմնախնդրի կարգավորման համար Ղարաբաղին պետք են միջազգային անվտանգության բազմաշերտ երաշխիքներ: Բազմաշերտ նշանակում է ոչ միայն բազմազգ խաղաղության պահպանման ուժեր և խաղաղության պահպանման ուժեր Ղարաբաղի շուրջ, կամ Անվտանգության խորհրդի համապատասխան բանաձևով անվտանգության երաշխիքներ, այլ նաև, որ, օրինակ, պետք է ճանաչվի, որ Հայաստանը երաշխավորն է Ղարաբաղի անվտանգության: Նաև ԼՂ պաշտպանության բանակը պետք է երաշխավորը լինի այդ անվտանգության»: Ստեղծվել է մի իրավիճակ, երբ, Սարգսյան-Ալիև հանդիպումից առաջ կողմերից մեկի՝ հայկական կողմի նկատմամբ ճնշումներ են գործադրվելու: Իսկ այս վիճակը կարող է անդրադառնալ սահմանային իրավիճակի վրա: Եզրակացությունը մեկն է. առաջիկա բանակցություններից առաջ և հետո՝ հայկական կողմի անզիջում կեցվածքը տեսնելով՝ Մոսկվան ու Բաքուն, վստահաբար, նոր լարվածություն կսադրեն սահմանին: Ըստ ամենայնի՝ ԵԱՀԿ ՄԽ-ի համանախագահող մյուս երկրները՝ Միացյալ Նահանգներն ու Ֆրանսիան ևս համաձայնել են ռուսական ծրագրի, այն է՝ «Լավրովի պլանի» վերակենդանացմանը: Սարգսյան-Ալիև նոր հանդիպմանը, թերևս, հենց այս պլանն է դրվելու բանակցությունների սեղանին: Մետաքսյա Շալունց