ՊԵԿ-ի ամենօրյա պայքարը
ՊԵԿ նախագահ Վարդան Հարությունյանը՝ ի պատասխան հարցին, թե որ գործարարներն են առավել ստվերում գործում, նշեց, որ իրենք չեն զբաղվում էժան PR-ով: «Եթե ուզում եք որեւէ գործարարի մասին տեղեկատվություն լսել, ասեմ, որ, ինչպես նախորդ ասուլիսին, այնպես էլ հիմա չեք լսելու: Մեր համակարգը, մենք մեր գործն ենք անում: Ամեն օր էլ պայքարում ենք դրա դեմ, եւ արդյունքներն ակնհայտ են»,- ասաց նա: 2017 թվականի հունվար-սեպտեմբեր ամիսներին ՊԵԿ օպերատիվ հետախուզության վարչության կողմից իրականացվել է շուրջ 2000 միջոցառում և արձանագրվել 2,2 միլիարդ դրամ բյուջե լրացուցիչ վճարման ենթակա գումար: «Ասեմ, որ միայն 2.2 մլրդ դրամը չէ, որ դուրս է բերվել ստվերից: Դա այն օրինախախտումներն են, որոնք ի հայտ են եկել օպերատիվ հետախուզական գործունեություն իրականացնելիս, բայց ոչ միայն դրա արդյունքում է ի հայտ գալիս ստվերը, այլեւ հարկային, մաքսային վարչարարության»,-ասաց նա:
Հետևեք մեզ Viber-ում
