«Արմենիա» ԲԿ-ում տեղի ունեցածը նախապես պլանավորված է եղել
«Ժողովուրդ» թերթը գրում է. «Հոկտեմբերի 2-ին «Արմենիա» բժշկական կենտրոնում տեղի ունեցած կրակոցները կքննվեն ՀՀ քննչական կոմիտեի հատուկ կարևորագույն գործերով վարչությունում: Ինչպես հայտնի է՝ նշյալ օրը տղամարդը ինքնաձիգով մտել էր բժշկական կենտրոն և կրակոցներ արձակել՝ փորձելով փախցնել այդ պահին բժշկական կենտրոնում գտնվող հայտնի պաշտոնյաների բնակարանները թալանած, «Բանդա»-ի գործով ազատազրկման դատապարտված Դավիթ Գալստյանին: Բայց փախցնելու փորձը չէր հաջողվել, և իրավապահները կարողացել էին բռնել և՛ դատապարտյալին, և՛ կրակոցներ արձակող անձին: «Ժողովուրդ» օրաթերթին մանրամասներ հայտնի դարձել այս գործով, որ մինչև ուշ երեկո իրավապահները քննչական գործողություններ են իրականացրել հիվանդանոցում: Պարզել են, որ դատապարտյալ Դավիթ Գալստյանը և կրակոցներ արձակող անձը մտերիմ ընկերներ են, որոնք ըստ էության մինչ այդ պայմանավորվածություն են ունեցել՝ այս քայլին գնալու համար»: Ամբողջությամբ կարող եք կարդալ «Ժողովուրդ» թերթի այսօրվա համարում:
Հետևեք մեզ Viber-ում
