Սասնա ծռերի գործը կրկին կիսվեց.դատավորը հայտնի չէ
Սասնա ծռերի 14 անդամների գործն այսօր կրկին կիսվեց։ Էրեբունի և Նուբարաշեն վարչական շրջանների ընդհանոր իրավասության դատարանի դատավոր Արտուշ Գաբրիելյանը հրապարակեց որոշում, ըստ որի՝ միայն 4 անդամների մասով գործը թողեց իր վարույթում, իսկ 10 անդամներինը կքննի այլ դատավոր։Թե անջատված մասով գործն ով է քննելու՝ նա չհայտնեց։ Այսօր նա միաժամանակ որոշում կայացրեց, որ 4 անդամների գործին կմիացվի նախորդ շաբաթ կիսված՝ Սասնա ծռերի 7 անդամների գործը։ Փաստորեն Սասնա ծռերի գործը կքննվի 3 տարբեր վարույթներում։ Պաշտպաններն այս ամենում լուրջ խնդիր են տեսնում, որովհետեւ պետք է մոտ 200 վկաներին և տուժողներին 3 տարբեր վարույթներում առանձին-առանձին լսեն։ «Սասնա ծռեր» խմբի 18 անդամի մասով գործն անցած շաբաթ եւս կիսվել էր, անջատված մասով գործը տրվել է Երեւանի Էրեբունի եւ Նուբարաշեն վարչական շրջանների ընդհանուր իրավասության դատարանի նախագահ Արթուր Օհանյանին: «Սասնա ծռեր 3»-ի գործով մեղադրյալներն են Արամ Մանուկյանը, Թորոս Թորոսյանը, Հովհաննես Հարությունյանը, Թաթուլ Թամրազյանը, Արամ Հակոբյանը, Տիգրան Մանուկյանը, Արայիկ Հակոբյանը, Վարդան Գերավետյանը, Մարտիրոս Հակոբյանը, Սերգեյ Կյուրեղյանը, Գեւորգ Իրիցյանը: Դատական նիստը հետաձգվեց:
Հետևեք մեզ Viber-ում
