Միայն պորտֆելներով իրական բարեփոխումներ հնարավոր չէ.ՀՅԴ

ԱԺ ճեպազրույցնեերի ժամանակ  ՀՅԴ խմբակցության ղեկավար Արմեն Ռուստամյանը՝ պատասխանելով հարցին, թե միայն պորտֆելները բավարա՞ր են երկրում փոփոխություններ կատարելու համար,հայտարարեց. «Միայն պորտֆելների միջոցով հնարավոր չէ իրական բարեփոխումներ իրականացնել:  Իհարկե բավարար չի լինելու: Սա դասական իմաստով կոալիցիա չէ: Այդպիսի հնարավորություն ունի միայն նախագահական համակարգը, բայց կա դեռ կիսանախագահական, որը բխում է նախագահականից, իսկ խորհրդարանական համարագում կարգն այլ է. Ամեն ինչ բխում է խորհրդարանից: Այստեղ պորտֆելներն ընդհանրապես կապ չունեն: Դաշնակցությունն այսօր էլ անդավաճան է իր սկզբունքներին և հավատարիմ է իր կողմից որդեգրած քաղաքականությանը՝ յոթ կետերի շուրջ: Պետք է ամեն ինչ անենք, որպեսզի այդ գրվածը միայն թղթի վրա չմնա: Մենք միշտ ասել ենք, որ համագործակցում ենք մեզ համար կարևոր հարցերի շուրջ: Ովքեր կընդունեն յոթ կետերը, նրանց հետ կաշխատենք: Հիմա էլ Հանապետականը համաձայնել է և մենք էլ համագործակցում ենք: Մենք միշտ ինքներս ենք միջոցներ ձեռնարկել մեր նպատակներին հասնելու համար: Դուք էլ պետք է հետևեք, որ  այդ քայլերը կատարվեն, իսկ այդ քայլերը կատարելուց հետո, ամեն անգամ մեր երկրի վիճակն անընդհատ կլավանա, որի ականատեսը կլիենեք նաև դուք»: Ա. Ռուստամյանի խոսքով՝ Դաշնակցության ներկայացրած հայտնի յոթ կետերը ներառված են նաև ՀՀԿ-ի հետ նոր համաձայնագրում: «Անընդհատ խոսում էիք համաձայնագրից: Եթե հետևեք, կտեսնեեք, որ այդ փաստաթղթում ևս ներառված են մեր բոլոր առաջարկները: Մենք այսօր էլ անդավաճան ենք դրանց»,- ասաց պատգամավորը: Աստղիկ Ավագյան