Նորագավիթում կրակոցներից վիրավորվածի ինքնությունը հայտնի է. նրա վիճակը ծանր է.Armtimes.com
Մոտ մեկ ժամ առաջ Նորագավիթում հրազենային վիրավորում ստացած անձը Սարգիս Ա.-ն է: Նրան որովայնի շրջանում ստացած հրազենային վիրավորումով տեղափոխել են «Էրեբունի» բժշկական կենտրոն: Մեր զրույցում ԲԿ-ի գործադիր տնօրեն Միքայել Մանուկյանն ասաց, որ այս պահի դրությամբ շատ մանրամասներ չկան, քանի որ երիտասարդին միանգամից տեղափոխել են վիրահատարան: «Ծանր վնասվածք է, արյունահոսությունով տեղափոխել են վիրահատարան, 2-3 ժամ կտեւի»,- ասաց Մանուկյանը: Հիշեցնենք, որ 21:30-ի սահմաններում կրակոցներ են հնչել Նորագավիթում. անհայտ անձը կամ անձինք հետապնդել են Նորագավիթի բնակիչ Սարգիս Ա.-ին, ապա կրակել նրա վրա: Մեր տեղեկություններով, դեպքի առթիվ հարուցվել է քրեական գործ՝ ՀՀ քրեական օրենսգրքի 34-104 հոդվածի հատկանիշներով (սպանության փորձ) եւ ՀՀ ՔՕ 235 հոդվածի 1-ին մասի հատկանիշներով (ապօրինի կերպով զենք պահելը, կրելը կամ փոխադրելը):