ՀՀԿ-ականներն ասում են՝ ինչ «յամեռ», ինչ բան, թող քրտնի, քարաբաղնիս կանենք, կչորանա, կանցնի. Նիկոլ Փաշինյան

ԱԺ նիստին այսօր քննարկվում է Ելքի նախագիծը` ԵՏՄ կազմից ՀՀ դուրս գալու մասին եւ այդ նպատակով ԱԺ ժամանակավոր հանձնաժողով ստեղծելու մասին։ ԱԺ փոխնախագահ Էդուարդ Շարմազանովը հայտարարեց.«Սա օրակարգային արհեստական հարց է: Հասարակության մեծամասնության առաջ` որպես թիվ մեկ հարց, չի դրված ԵՏՄ-ից դուրս գալու հարցը։ Դուրս գալու դեպքում օգո՞ւտ, թե՞ վնաս կլինի։ Վնասները հաշվե՞լ եք։ ԵՏՄ անդամակցությամբ գազի գինը 30 դոլարից պակասել է մեր արդյունաբերողների համար, ու սա եվրոպացի փորձագետների կարծիքն է։ Ի դեպ, ապրիլյան պատերազմին Արցախը հաղթել է, Ադրբեջանը ֆիասկո է ապրել։ Իսկ ժամանակավոր հանձնաժողով ստեղծելուն դեմ եմ, քանի որ այն չի կարող որեւէ լիազորություն ունենալ, ինչ մշտական հանձնաժողովը»։ «Ասում ենք, որ ԵՏՄ-ի անդամակցության տարիներին բացասական երեւույթներ են եղել, էական թանկացումներ կարող են լինել, ասում ենք այսպիսի ախտանշաններ կան: Հանրապետական մեծամասությունն էլ ասում է՝ ինչ ախտանշան, լավ է, նորմալ է:Ասում ենք՝ ժողովուրդ ջան, եթե դուք էս ախտանշանների խորը արմատները չգիտեք, ուրեմն պետք ա «յամեռ» անենք, որ տենանք՝ էս ախտանշաններն ինչից են, վիրուս ա, ինչ ա, օրգանիզմը հիվանդ ա, հիվանդ չէ: ՀՀԿ-ականներն ասում են՝ այ ախպեր ինչ «յամեռ», ինչ բան, թող քրտնի, մալինայով մուրաբա խմի, քարաբաղնիս կանենք, կքրտնի, կչորանա, կանցնի»,-ասաց Նիկոլ Փաշինյանը: