ԱԺ-ում իրավիճակը սրվեց․ ԿԿՀ նախագահի կոշտ ելույթն ու պատասխանը ՔՊ-ականներին (video)
ԱԺ-ն քննարկում է Կոռուպցիայի կանխարգելման հանձնաժողովի անդամի ընտրության հարցը, թափուր տեղի համար առաջադրվել է Հայկուհի Հարությունյանի թեկնածությունը:
Նշենք, որ երկօրյա քննարկման ժամանակ քաղաքական մեծամասնությունը սուր հարցադրումներով , պատկերավոր ասած՝ սվիններով է հարցախեղդ անում թեկնածուին: Իր այսօրվա ելույթում Հայկուհի Հարությունյանը փաստարկված ու կոշտ պատասխաններով արձագանքեց ՔՊ-ական յուրաքանյուր պատգամավորի հարցադրմանն ու դիտարկումներին:
«Էն գործողությունները, որոնք վերագրվում են ինձ, իրականացվել են բացառապես պաշտոնապես, բացառապես քվեարկության ու հանձնաժողովի կոլեգիալ մարմնի կողմից որոշումներով: Նիստերը հրապարակային են եղել, ուստի առաջարկում եմ բոլորին հետադարձով նորից ծանոթանալ և ինքներդ գնահատել, արդյո՞ք սա հավասար մոտեցում է, թե՞ իսկապես այն, ինչից դուք եք նեղանում, հանրային , հասարակական պահանջներից, արդարացված է:
Պարո՛ն Աղաջանյան, Դուք ճիշտ եք ասում ՝ հանձնաժողովի կամ իմ վեաբերյալ որևէ բովանդակային քննարկում տեղի չունեցավ:
Փաստ համար 1. Ինձ հետ համատեղ բնակվող անձանց հայատարարագրերը թե՛ էլեկտրոնային , թե՛ թղթային տարբերակով ներկայացված են և հասանելի, ավելին՝ դրանք վերլուծված են հանձնաժողովի կողմից… Պահանջում եմ, սա արդեն երրորդ անձի անունից, իմ քրոջ վերաբերյալ հայտարարություններում զգույշ եղեք, քույրս երբևէ հանձնաժողովի կողմից ֆինանսավորվող որևէ գործարքի և գործողության մասնակից չի եղել:
Պարո՛ն Խանդանյան, լավ է որ հանձնաժողովի կայքն էդ աստիճան ուսումնասիրել եք, բայց լավ չի որ մինչև վերջ չեք կարդացել, որովհետև ես Ձեզ հարց ունեմ. եթե կարդայիք, էդ հաշվետվության մեջ գրված էր մի հարց, որի պատասխանը Դուք հիմա պետք է հնչեցնեիք՝ նորից նույն ինստսիտուցիոնալ մոտեցումը պահպանելով: Հանձնաժողովի կողմից ԱԺ պատգամավոր Գագիկ Ծառուկյանի վերաբերյալ անհամատեղելիության եզրակացությունը ԱԺ-ն ինչի՞ ուշացրած ներկայացրեց ՍԴ…»:
Մանրամսն՝ տեսանյութում:
Հետևեք մեզ Viber-ում
