Զախարովան՝ Վերին Լարսի անցակետում հայկական բեռների հետ կապված իրավիճակի մասին

ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է Վերին Լարսի անցակետում հայկական բեռների հետ կապված իրավիճակը, նշելով, որ Հայաստանի իշխանությունների մի շարք ներկայացուցիչներ այս իրավիճակը համարում էին քաղաքական ճնշում, սակայն Հայաստանի իշխանությունների մի շարք ներկայացուցիչներ այդպես չեն կարծում։

«Երկրորդ պահը, որը վկայում է, որ դա ամբողջ երկրի և հատկապես Հայաստանի ողջ քաղաքական իսթեբլիշմենթի կարծիքը չէ, այն է, որ վերջերս խորհրդակցություններ են տեղի ունեցել Եվրասիական տնտեսական հանձնաժողովի միջոցով և երկխոսության շրջանակներում. Ռուսաստանի և Հայաստանի համապատասխան գերատեսչությունները՝ Վերին Լարս բազմակողմ ավտոմոբիլային անցակետով ապրանքների անցման, ինչպես նաև հայկական գյուղմթերքի մատակարարման հետ կապված հայ գործընկերների հետ ծագած հարցերի շուրջ։

Հանդիպումները կրել են առարկայական և կառուցողական բնույթ, երկուստեք քննարկվել են մի շարք միջոցառումներ՝ փոխընդունելի լուծումներ գտնելու համար։ Կան և եղել են մեխանիզմներ, որոնք կարող են և պետք է կիրառվեն խնդիրների դեպքում, ինչպես հիմա է լինում»,- նշել է նա։