«ժողովրդավարության բաստիոն»-ում կա շուրջ 50 քաղբանտարկյալ․ Մամիջանյան
Մամիկոն Ասլանյանի գործով դատարանի որոշումը կհրապարակվի վաղը, ժամը 11․00-ին։
«Շատ խորհրդանշական օր է ընտրված Մամիկոն Ասլանյանի հերթական դատական նիստի համար, որովհետև հենց այսօր նորից Լոռու մարզում, Ալավերդիում հերթական անգամ «բռնաբարվում» էր ՏԻՄ ինստիտունը։ Այժմյան Հայաստանում Մամիկոն Ասլանյանն ունի մեկ աններելի հանցագործություն՝ ինքը հաղթել է ՔՊ-ին, Վանաձոր քաղաքում և դա իրեն իշխանությունները ներել չեն կարողանում։ Այսօր տեսակցում էի քաղբանտարկյալ Նարեկ Մալյանին, որը մեկ արտահայտություն արեց, որը լավ բնորոշում է այսօրվա Հայաստանը՝ մենք ազգ-բանակից դարձել ենք ազգ-կալանք և ունենք քաղբանտարկյալներ։ Հույս ունեմ, որ Ասլանյանը խափանման միջոցի փոփոխություն կունենա, որովհետև երկու Նոր տարի Ասլանյանը դիմավորում է ընտանիքից հեռու։ Ֆիքսենք, որ «ժողովրդավարության բաստիոն» Հայաստանում կա շուրջ 50 քաղբանտարկյալ»,- Մամիկոն Ասլանյանի դատական նիստից հետո լրագրողների հետ զրույցում ասաց «Պատիվ ունեմ» խմբակցության պատգամավոր Հայկ Մամիջանյանը։