Այրվածք ստացած 1,5 տարեկան երեխայի ախտահարման մակերեսը փոքր է, բայց աստիճանը խորն է
Արարատի մարզում դեկտեմբերի 3-ին այրվածք ստացած 1,5 տարեկան երեխայի կյանքին վտանգ չի սպառնում։ Այս մասին NEWS.am-ի հետ զրույցում ասաց ՀՀ առողջապահության նախարարի մամուլի քարտուղար Մարիամ Ծատրյանը։
«Երեխան այժմ հիվանդասենյակում է։ Ախտահարման մակերեսը փոքր է, բայց աստիճանը խորն է։ Երեխան բժիշկների հսկողության տակ է։ Մասնագետները ամեն ինչ անելու են ձեռքի ֆունկցիաները վերականգնելու համար»,- ասաց Մարիամ Ծատրյանը։
Ավելի վաղ shamshyan.com-ը գրել էր, որ Արարատի մարզի քաղաքաներից մեկում բնակվող ծնողի կողմից երեխայի կյանքի անվտանգության ապահովման կամ առողջության պահպանման պարտականությունը ոչ պատշաճ կատարելու հետևանքով, ում կողմից իրենց տան բակում մաքրություն կատարելիս այրել է չոր խոտ և աղբը, 1,5-ամյա տղան՝ Մ.Հ.-ն, գետնից վերցրել է պոլիէթիլենային տոպրակը և փորձել է այն գցել կրակի վրա, ինչի հետևանքով տոպրակը այրվել է և վերջինս ստացել է մարմնական վնասվածք:
Հետևեք մեզ Viber-ում
