Փաշինյանն անասնական վախեր ունի, դրա համար էլ բոլոր ուժայիններին իր ձեռքում է տենչում պահել. Գագիկ Համբարձումյան

Նիկոլ Փաշինյանը անասնական վախեր ունի, դրա համար էլ փորձում է բոլոր ուժայիններին իր ձեռքում կենտրոնացնել, իրեն վերապահել բոլոր լծակները։ Այս մասին «Փաստինֆոյի» հետ զրույցում ասաց ՀՀ նախկին փոխոստիկանապետ Գագիկ Համբարձումյանն՝ անդրադառնալով կառավարության նախաձեռնությանը, ըստ որի՝ ԱԱԾ տնօրենին ու տեղակալներին այսուհետ պաշտոնի նշանակելու և ազատելու է ոչ թե նախագահը, այլ վարչապետը։

Համբարձումյանը հիշեցրեց, որ հենց այն ժամանակ ընդդիմադիր Նիկոլ Փաշինյանն էր սահմանադրական վերջին փոփոխություններից հետո սուր քննադատության էր ենթարկում նախկին իշխանություններին, իսկ վարչապետ ընտրվելուց առաջ խոսում էր «սուպերվարչապետական կոստյումը հանելու» և իր լիազորությունները սահմանափակելու մասին, մինչդեռ հիմա անում է ճիշտ հակառակը։

«Այն ժամանակ օգտագործում էինք «սուպերվարչապետություն» տերմինը, որովհետև իշխանությունը շատ էր գտնվում մեկ անձի ձեռքին, բայց դա երկիրը կառավարելու իշխանությունների պատկերացումները կյանքի կոչելու համար էր, մինչդեռ այս պայմաններում՝ գործող իշխանությունները և վարչապետը բոլոր գործիքներն իրենց ձեռքում հավաքելու մղումը պետք է դիտարկել այլ ռակուսով, նա լիազորությունները կենտրոնացնում է՝ բացառապես իշխանությունը պահելու նպատակով, որպեսզի նրանք անձնական նվիրվածությամբ, ստրուկի ցանկությամբ իրեն ծառայեն, որպեսզի Փաշինյանը երաշխիք ունենա, որ իր իշխանությանը ոչինչ չի սպառնում։

Իրականում այստեղ խորը վերլուծությունների կարիք ու անհրաժեշտություն, կարծում եմ, չկա, որևէ այլ նպատակ պետք չէ որոնել, ամեն բան արվում է շատ պարզ տրամաբանության մեջ»,-ասաց Համբարձումյանը։