Նորածնին զուգարանը նետած 32-ամյա կինը հղիությունը թաքցրել է բոլորից, երեխան լույս աշխարհ է եկել առողջ, մայրն անգամ ճիչն է լսել

«Հայկական ժամանակ» օրաթերթը գրում է. «Տավուշի մարզում օրերս սարսափելի դեպք է գրանցվել: 32-ամյա մայրը լույս աշխարհ է բերել առողջ երեխա ու նետել զուգարանը՝ սպանելով նրան: «ՀԺ»-ի աղբյուրը հայտնեց, որ կինը ծննդաբերել է հղիության 8-րդ ամսում՝ պատշգամբում: Կնոջը դեպքից հետո տեղափոխել են Բերդի բժշկական կենտրոն: Մեր տեղեկություններով, 32-ամյա կինը ամուսնացած չի եղել, հղիությունը թաքցրել է բոլորից: Կնոջը հիվանդանոց ընդունելուց հետո դեպքի վայր են ժամանել ոստիկանության Բերդի բաժնի աշխատակիցները: Մեզ հայտնի դարձավ, որ կինն իրավապահներին հայտնել է, որ երեխան լույս աշխարհ է եկել առողջ, մայրն անգամ երեխայի ճիչն է լսել: Բերդի բժշկական կենտրոնի մանկաբարձա-գինեկոլոգիական բաժնի վարիչ Արմեն Գալստյանը մեզ հայտնեց, որ կնոջ վիճակը ներկայումս լավ է, երկուշաբթի նրան դուրս կգրեն: Ծննդատան վարիչի խոսքով, կինը, որպես հղի, որևէ տեղ հաշվառված չի եղել»։ Ամբողջությամբ կարող եք կարդալ «Հայկական ժամանակ» օրաթերթի այսօրվա համարում։