Թող Զախարյանը պատասխանի /տեսանյութ/

«Ես ամբողջ կյանքում  5  հազար դրամից ավելի հոսանք չեմ ծախսել, բայց այս ամիս գնացի վարձավճարի տվյալները ստուգելու` 27 հազար դրամ էր»,-Հայելի.am-ի թղթակցի հետ զրույցում ասաց բողոքող քաղաքացի Ժենյա Պողոսյանը: Նշենք, որ Ժենյա Պողոսյանը Տիգրան Մեծի 29 Ա հասցեի բնակիչ է: Պողոսյանը նշեց, որ իր թոշակը ընդամենը 25 հազար դրամ է ու վճարելով 27 հազար դրամ հայտնվել է անելանելի վիճակում.«Դէ ասեք ինչո՞վ ապրեմ: Հաց պետք է գնեմ, մարդ ենք ու ապրել ենք ուզում: Չմուծեմ կմնամ առանց լույսի, մուծեմ` առանց թոշակ: Լաց լինելու վիճակ է...»,-նշեց մեր զրուցակիցը: Նշենք, որ մի խումբ բողոքող քաղաքացիներ փետրվարի 25-ին Կառավարության մոտ հավաքվել էին` արտահատելու իրենց բողոքը: «Վարչապետը թող լսի մեր ձայնը: Էլ հավատ չկա: Թացն ու չորը իրար են խառնվել»,-ասաց Արմինե Եսայանը: Նշենք, որ քաղաքացիների կողմից հունվար ամսին սպառած էլեկտրաէներգիայի ավելի վճարների հետ կապված բողոքներ ստացել է նաև ՀՀ էներգետիկայի և բնական պաշարների նախարարությունը: Այս մասին հայտնել է Էներգետիկայի և բնական պաշարների նախարար Երվանդ Զախարյանը: Զախարյանը խստացել էր տալ բոլոր հարցերի պատասխանը, բայց մինչ այս պահը բավարարող պատասխան չի ստացվել: Աստղիկ Ավագյան Մանրամասները` տեսանյութում: