Ադրբեջանում Իրանի և Իսրայելի դեսպանները «սիրալիրություններ» են փոխանակում սոցցանցերում
Ադրբեջանում Իսրայելի դեսպան Ջորջ Դիկը մեկնաբանել է Իրանի դեսպան Աբբաս Մուսավիի սպառնալից գրառումը, որը նա հրապարակել է X սոցիալական ցանցում ։ Այս մասին հայտնում են ադրբեջանական լրատվամիջոցները։
«Իրանական ռեժիմի դեսպանին» ուղղված իսրայելցի դիվանագետի գրառումն առաջարկում է «անվճար խորհրդատվություն պրոֆեսիոնալից». «Եթե ցանկանում եք, որ ձեզ լուրջ վերաբերվեն, երբ սպառնում եք իմ երկրին կործանմամբ, իսկ ինձ՝ մահվամբ, պետք է հրաժարվեք սարդոստայնի համեմատությունից... Սարդի մետաքսը հինգ անգամ ավելի ամուր է պողպատից»:
Ավելի վաղ Ադրբեջանում Իրանի դեսպան Աբբաս Մուսավին «X» սոցիալական ցանցում հրապարակել էր գրառում՝ սպառնալով Ադրբեջանում Իսրայելի դեսպանին։
Հրապարակման մեջ ասվում էր. «Այս փուլում ՀԱՄԱՍ-ի քաջարի մարտիկները բավարար են ձեզ համար։ Դուք ավելի թույլ եք, քան սարդոստայնը: Հիշեք, եթե Իրանը միջամտի, դուք կթաղվեք Միջերկրական ծովում, ոչ թե Նեղոս գետում: Ոչ մի փրկություն չկա։ Այլևս ամբողջ աշխարհը ձեր դեմ է... Ադրբեջանի մուսուլմանական, խիզախ ժողովուրդը, ինչպես ողջ աշխարհը, ձեր դեմ է»։
news.am
Հետևեք մեզ Viber-ում
