Հակոբ Արշակյանն Ալիևի քայլերն ու հայտարարությունները դրական է գնահատում (video)
Այս պահին Հայաստանի սահմաններին կուտակումներ չկան: Այս մասին այսօր՝ նոյեմբերի 2-ին, ԱԺ-ում լրագրողների հետ զրույցում ասաց Ագզային ժողովի փոխխոսնակ Հակոբ Արշակյանը։
«Պետք է արձանագրել վերջին շրջանում դրական տեղաշարժեր հռետորաբանության փոփոխության տեսանկյունից, Հայաստանի տարածքային ամբողջականության շուրջ, ինչպես նաեւ միջազգային հեղինակավոր մարմինների կողմից բանաձեւերի ընդունման տեսքով, ինդիվիդուալ խորհրդարանների կողմից, կառավարությունների կողմից, տարբեր գերատեսչությունների կողմից ընդունված հայտարարություններ այն մասին, որ ՀՀ տարածքային ամբողջականությունը չի կարող դրվել հարցականի տակ: Իհարկե, ողջունելի է, որ որոշակի հռետորաբանության փոփոխության կա: Սա է այս պահի իրավիճակը»,-ասաց Հակոբ Արշակյանը:
«Ասել, որ ամեն ինչ հրաշալի է և որևէ վտանգ չկա, ես նման բան չասացի։ Ընդամենն ասացի, որ այս պահին հայտնի չէ նման փաստ, որ Հայաստանի շուրջ կա զորքերի կուտակում։ Պետք է նաև հաշվի առնել, որ բլորովին վերջերս զորավարժություններ էին տեղի ունենում ադրբեջանա-թուրքական, այսինքն՝ ռեգիոնի ընդհանուր լարվածությունը, մեծ հաշվով, կա», - ասաց Արշակյանը։
Հետևեք մեզ Viber-ում
