Երդվյալ ՔՊ-ական Ռոմանոս Պետրոսյանը՝ Փաշինյանին դավաճանելու մասին (video)
Նոյեմբերի 1-ին, ԱԺ-ում լրագրողների հետ զրույցում Պետական վերահսկողության ծառայության ղեկավար Ռոմանոս Պետրոսյանն անդրադառնալով մամուլում շրջանառվող այն լուրին , թե ՔՊ-ն տարբեր ճյուղերի է բաժանվել, եւ ճյուղերից մեկն էլ Ռոմանոս Պետրոսյանն է ներկայացնում, մասնավորապես Արզնի համայնքում նա սատարել է ոչ ՔՊ-ական թեկնածուի, որն էլ հաղթել է, Ռոմանոս Պետրոսյանն ասաց․
«Իմ հարաբերոթյունները հայտնի են Արզնի համայնքում 5 տարի արդեն ղեկավարած ՔՊ-ական համայնքապետի հետ, այդ մասով կարող եմ հստակ մատնանշել, որ դեռեւս 2018 թվականին ես Կոտայքի մարզպետն էի, Ալեքսեյ Միրզոեւը իմ առաջարկով է անդամակցել մեր կուսակցությանը, եւ ես ինքս եմ այդ գյուղապետին ներգրավել մեր կուսակցության շարքերը, ապա նաեւ որպես մարզպետ ներկայացրել եմ մեր կուսակցության վարչությանը՝ թեկնածու առաջադրելու ասորական գյուղում մեծամասնական ընտրակարգով, առնվազն անհեթեթ է նման լուր տարածելը։ Պարզապես վերջին ընտրությանը ես Արզնիում որեւէ տեսակի առնչություն չեմ ունեցել, քանի որ դա նախ պայմանավորված է իմ կարգավիճակով, ապա գերծանրաբեռնվածությամբ։ Չէի էլ պատկերացնում, որ կարող ենք այնտեղ ՔՊ-ական մեր գյուղապետի պարտությունը արձանագրել։ Ինձ նման երդվյալ ՔՊ–ականը ինչպե՞ս կարող է սեփական թիմի ներսում թեւեր ստեղծել»։
Հետևեք մեզ Viber-ում
