Գերմանիան Իրանին նախազգուշացրել է «կրակի վրա յուղ չլցնել»
Երկուշաբթի Գերմանիան Իրանին զգուշացրել է ավելի չսրել Իսրայելի և ՀԱՄԱՍ խմբավորման միջև հակամարտությունը այն բանից հետո, երբ երկրի արտաքին գործերի նախարարը հանդիպել է ՀԱՄԱՍ-ի բարձրաստիճան պաշտոնյաների հետ:
«Յուրաքանչյուր ոք, ով ցանկանում է կրակի հետ խաղալ այս իրավիճակում և կրակի վրա յուղ լցնել կամ որևէ այլ կերպ իրավիճակն ավելի թեժացնել, պետք է իսկապես լավ մտածի, քանի որ մենք բախվում ենք պոտենցիալ խոշոր տարածաշրջանային հակամարտության», - ասել է ԱԳՆ խոսնակ Սեբաստիան Ֆիշերը։
Նշենք, որ Իրանի նախագահ Էբրահիմ Ռաիսին Պաղեստինի ճնշված ժողովրդին աջակցությունը որակել է Իսլամական Հանրապետության մշտական և անշրջելի քաղաքականությունը և հիշեցրել, որ նրանք, ովքեր լռում են Իսրայելի հանցագործությունների մասին, պետք է պատասխան տան իրենց ներկայիս պահվածքի համար Աստծո, իրենց խղճի և պատմության դատարանի առաջ: Այս մասին գրում է «Մեհր» գոծակալությունը:
Հետևեք մեզ Viber-ում
