Եթե դու անկլավները նվիրես Ադրբեջանին, դու արդեն գոյություն չունես, դու ... Օսկանյանը՝ Փաշինյանին (video)
Նիկոլ Փաշինյանի սխալները շարունակվում են, վերջին օրինակը հենց Գրանադայում ստորագրած հայտարարությունում: Այս մասին ֆեյսբուքյան տեսաուղերձում ասել է ՀՀ նախկինաևտգործնախարար Վարդան Օսկանյանը:
«Այդ հայտարարութան էությունը ո՞րն է, այնտեղ Ղարաբաղի հարց ընդհանրապես չկա, Հարցը վերաբերում է ՀՀ տարածքային ամբողջականությանը: Եւ հարց ես տալիս, իսկապե՞ս, մենք Ղարաբաղի հարցից հասանք Հայաստանի տարածքային ամբողջականության եւ դա հերոսաբար ներկայացնո՞ւմ եք, որ ինչ-որ գործ եք արել, հաջողություն եք ունեցել, որ աշխարհը ճանաչում է մեր տարածքային ամբողջականությունը, իսկապե՞ս, լուրջ եք ասո՞ւմ: Թերեւս Փաշինյանի ասած տարածքային ամբողջականությունը մեզ համար անորոշ է, այդ թվերը, որ այնտեղ նշվել է, դա մեր ժողոբրդի համար այսօր ոչինչ չի նշանակում: Առնվազն այս իրավիճակում, հենց այսօր Փաշինյանը պետք է կանգնի ժողովրդի առաջ, նայի ժողովրդի աչքերին եւ իրոք ասի՝ այդ թվերի մեջ ինչ է մտնում, հասկացանք, Ղարաբաղը տվել ես, դա Ադրբեջանի տարածքային ամբողջականության մեջ է մտնում, իսկ ասյպես կոչված անկլավները այդ թվի մեջ կա՞, չկա՞: Քո շրջապատի մարդկ ասում են, որ չկամ բայց դու քո ասուլիսին ասեցիր, որ անկլավներն էլ են այդ թվի մեջ մտնում, դա էլ ես տալիս: Իրո՞ք, սա էլ ես տալի՞ս, դա՞ է քո հասկացած տարածքային ամբողջականությունը, որ ՀՀ քաղաքացին Պարսկաստան, Վրաստան գնալուց անցնի Ադրբեջանով, դա՞ է լինելու մեր տարածքաին ամբողջականությունը»,-ասել է Օսկանյանը՝ հարց տալով Փաշինյանին, որ հայտարարի՝ իրականում ինչ է բանակցում:
Հետևեք մեզ Viber-ում
