Նիկոլ Փաշինյանը և իր խմբակը չեն կարողացել իրենց ուզածը ստանալ. Անդրանիկ Թևանյանի նախնական արձագանքը

«Մայր Հայաստան» դաշինքի առաջնորդ Անդրանիկ Թևանյանը քիչ առաջ ֆեյսբուքյան ուղիղ եթերի ժամանակ անդրադարձել է Երևանի ավագանու ընտրությունների քվեարկության արդյունքներին և ընդգծել, որ Նիկոլ Փաշինյանը և իր խմբակը չեն կարողացել իրենց ուզածը ստանալ։

«Բավական լուրջ հարված է հասցվել այս իշխանությանը։ Նիկոլ Փաշինյանը և իր խմբակը չեն կարողացել իրենց ուզածը ստանալ, և հիմա կասկածելիորեն ուշանում է տվյալների հրապարակումը։ Ակնհայտ է, որ իրենց հարակից քույր կազմակերպության միջոցով փորձում են ինչ-որ թվեր ստանալ»,-ասել է Անդրանիկ Թևանյանը՝ կրկին ընդգծելով, որ Երևանի ավագանու ընտրություններն ամբողջական իշխանափոխության հնարավորություն է․

«Ամբողջական իշխանափոխության համար սա առաջին քայլն է։ Մեկ բան ակնհայտ է՝ այս իշխանությունը չունի հանրային վստահություն, չունի լեգիտիմություն։ Կարծում ենք, որ կա հնարավորություն՝ այս գործընթացը վերածել ընդհանուր պայքարի և իշխանափոխության։ Պատրաստ եղե՛ք»։

****

Նույնիսկ ԿԸՀ կասկածելի ուշացումով ամփոփմամբ ՔՊ֊ն և դրա քույր կառույցը 50 տոկոսից պակաս են հավաքել։ Մինչև սրանց չմաքրենք Հայաստանի վրայից, կանգնել չկա։

«Մայր Հայաստան» դաշինքի առաջնորդ Անդրանիկ Թևանյանի ֆեյսբուքյան էջից

Մանրամասները՝ տեսանյութում https://www.facebook.com/watch/live/?ref=watch_permalink&v=666982172051792&t=0