Դե ով կսպասի, որ վերնիսաժում աշխատողիս մեկ էլ կանչում են նախագահական .Լևոն Ջավախյան

Արդեն տեղեկացրել ենք,որ նախագահ Սերժ Սարգսյանի հրամանագրերով, Հայաստանի Հանրապետության անկախության 26-րդ տարեդարձի կապակցությամբ` գիտության, կրթության, առողջապահության, տնտեսության, արվեստի, մշակույթի և սպորտի ոլորտներում ունեցած վաստակի, արդյունավետ աշխատանքի, հայրենիք-սփյուռք կապերի խորացման և ընդլայնման գործում ունեցած նշանակալի ավանդի համար մի խումբ գործիչներ, զինված ուժերի և իրավապահ մարմինների ներկայացուցիչներ պարգևատրվել են Հայաստանի Հանրապետության բարձրագույն պարգևներով՝ շքանշաններով և մեդալներով, շնորհվել են նաև պատվավոր կոչումներ: Նախագահի նստավայրում այսօր տեղի ունեցած պարգևատրման հանդիսավոր արարողության ժամանակ Սերժ Սարգսյանը տարբեր բնագավառներում ակնառու նվաճումների և հաջողությունների հասած վերոնշյալ բնագավառների ներկայացուցիչներին հանձնել է պետական բարձր պարգևները: Հանրապետության Նախագահը շնորհավորել է բոլոր պարգևատրվածներին տոնի և պետական բարձր պարգևներին արժանանալու կապակցությամբ, մաղթել հաջողություններ: Գրականության ոլորտում ներդրած ավանդի համար «Մովսես Խորենացի» մեդալով պարգեւատրվել է նաեւ արձակագիր Լեւոն Ջավախյանը։ Լեւոն Ջավախյանը hayeli.am-ի հետ զրույցում ասաց,որ իր համար  պարգեւը լրիվ անկանկալ է եղել,շվարած է, ընդամենը մեկ օր առաջ է իմացել . «Ով կսպասի, որ վերնիսաժում աշխատողին  կանչում են նախագահական՝ գրականության ոլորտում  ներդրումը գնահատելու, ու տալիս  մեդալ»: Պարգեւն ինձ  չի կաշկանդելու, ինչպես որ գրել, քննադատել եմ  իշխանություններին, այդպես էլ շարունակելու եմ,ասում է նա:Մեդալը իմ ձեռքերը չի կապելու,դա ինձ չի խանգարելու,հավելեց նա: