Ինչ է ասել Բաքուն Իրանին
Իրանի արտաքին գործերի նախարարության խոսնակ Նասեր Քանանին նշել է, որ Իրանի սահմաններն ապահով են, և երկիրը շարունակում է ուշադիր հետևել Կովկասում տեղի ունեցող զարգացումներին:
Ինչպես հայտնում է ԻՌՆԱ գործակալությունը Քանանին հայտնել է, որ Բաքուն իրենց ասել է, որ մտադիր չէ ռազմական հարձակումներ իրականացնել:
«Մենք կապի մեջ ենք Ադրբեջանի և Հայաստանի իշխանությունների հետ, Հայաստանի իշխանություններն իրենց մտահոգությունն են հայտնել Ադրբեջանի կողմից նոր ռազմական հակամարտության հնարավորության վերաբերյալ։ Սակայն Բաքվի իշխանությունները մեզ ուղարկել են հաղորդագրություն, ըստ որի բովանդակության՝ իրենք մտադիր չեն ռազմական հարձակումներ իրականացնել, իսկ զորքերի վերջին տեղաշարժերը ավանդական ռազմական գործողություն են, որն իրականացվում է ձմռան շեմին, քանի որ տեղաշարժը լեռնային տարածքներով դառնում են դժվար ու խճճված», - հստակեցրել է խոսնակը:
Հետևեք մեզ Viber-ում
