Փաշինյանին հանգիստ չեն տալիս ո՛չ իր բերած զոհերը, ո՛չ էլ նրանց հարազատները. Թևանյան (video)

Շենգավիթի առաջին ատյանի ընդհանուր իրավասության դատարանում ընթանում է է 44-օրյա պատերազմի հերոս Մխիթար Գալեյանի հոր՝ Գարիկ Գալեյանի դատական նիստը. դատարանի բակում են հավաքվել մեծ թվով քաղաքացիներ, հանրային ու քաղաքական գործիչներ, ընդդիմադիր պատգամավորներ:

«Մենք դատապարտում ենք էն քաղաքականությունը, որն իրականացնում է Նիկոլ Փաշինյանը , սա ակնհայտորեն հետապնդում է, որովհետև էս իրավիճակում հետապնդում իրականացնել նշանակում է՝ փորձել վախի մթնոլորտ ձևավորել, բայց գլխավոր մեր թիրախը պետք է լինի ավտանգային խնդրի բարձրացումը և մատնանշումը, որ այս իշխանությունները սպառնալիք են Հայստանի գլխին… Նիկոլ Փաշինյանին հանգիստ չեն տալիս ո՛չ իր բերած զոհերը, ո՛չ էլ նրանց հարազատները, նա վախեր ունի և այդ վախերից մեկն էլ քրեաքաղաքական հետապնդումն է»,-ասաց «Մայր Հայաստան» դաշինքի առաջնորդ Անդրանիկ Թևանյանը:

Հիշեցնենք, որ օրեր առաջ «Որդիների Կանչ» ՀԿ-ն հանդես է եկել հայտարարությամբ՝ Երևանի ավագանու ընտրություններում իր աջակցությունը հայտնելով «Մայր Հայաստան» դաշինքին։ Կազմակերպության անհամահիմնադիրներից է Գարիկ Գալեյանը:

Իսկ այսօր «Մայր Հայաստան» դաշինքի անդամները չեղարկել են 09․09․2023թ․ ժ 10:30-ի այցը Նոր-Նորք վարչական շրջան՝ Շենգավիթի առաջին ատյանի ընդհանուր իրավասության դատարանի բակում գտնվելու և զորակցելու Գարիկ Գալեյանին:

Մանրամասն՝ տեսանյութում: