Փաշինյանն այդ սարսափելի փաստաթուղթը չի՛ կարող ստորագրել, որովհետև․․․ Վարդան Օսկանյան (video)
Հայաստանն Արցախը ճանաչել է Ադրբեջանի մաս և սրա դիմաց միայն ստանալու է արդեն որպես Ադրբեջանի բնակիչ հայերի իրավունքներն ու անվտանգության երաշխիքները։ Սա անիրականանալի է։ Այս մասին այսօր քննարկման ժամանակ տեսակապով ասաց ՀՀ ԱԳ նախկին նախարար Վարդան Օսկանյանը։
«Փաշինյանը որևէ բարոյական, իրավական, քաղաքական իրավունք չունի սա անելու։ Միակ վեճը, որն այսօր հայերի և Ադրբեջանի միջև կարող է լինել միայն արցախցիների ինքնորոշման իրավունքի շուրջ է։ Վեճն այն է լինելու՝ արդյոք Արցախի ժողովուրդը ունի ներքին, թե արտաքին ինքնորոշման իրավունք։ Ադրեբանը կպնդի ներքինը, Հայաստանը՝ արտաքինը»,-ասաց նա։
Օսկանյանի խոսքով՝ Փաշինյանը երկու ճակատագրական սխալ է արել, որոնք պետք է շատ արագ ուղղի, եթե պատերազմ չենք ուզում։
«Պետք է հետ գանք այն ճանաչումից, թե Արցախը Ադրբեջանի մաս է, որովհետև այդ ճանաչումը ինքնորոշման իրավունքի շրջանակից դուրս է եկել և դարձել Ադրբեջանի ներքին խնդիր․ սա լավ տեղ չի տանի։ Երկրորդ սխալն այն է, որ Փաշինյանը պնդում է՝ Հայաստանը Արցախի ինքնորոշման հետ կապ չունի։ Փաշինյանը չի հասկանում, որ կարևոր չէ իր մտածածը, ցանկությունները, այստեղ կարևոր է, թե Ադրբեջանն ինչպես է ընկալում այս բոլորը։ Արցախյան խնդիրը ինքնորոշման խնդիր է, Արցախի ինքնորոշման ակունքներում եղել է Հայաստանը։ Այսպես, Արցախը վերածվում է Ջավախքի, որից հետո շատ արագ կվերածվի Նախիջևանի»,-նշեց Օսկանյանը։
Մանրամասները՝ տեսանյութում
Հետևեք մեզ Viber-ում
